استانا قالاسىنىڭ يندۋستريالىق پاركىندە ورانالسقان كاسىپورىندار ءتۇرلى ءونىم شىعارىپ، تۇراقتى جۇمىس ورىندارىن اشىپ قالانىڭ دامۋىنا جەكە ينۆەستيسيالار تارتۋعا مۇمكىندىك بەرەتىن ماڭىزدى نىسانعا اينالىپ كەلەدى. «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسىن ىسكە اسىرۋدا مۇنداي پاركتەردىڭ ماڭىزى زور، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.
يندۋستريالىق پارك ەلوردانىڭ سولتۇستىك بولىگىندە ورنالاسقان جانە 600 گەكتار اۋماقتى قامتيدى. ونىڭ ستراتەگيالىق ورنالاسۋى كولىك لوگيستيكاسى ءۇشىن وتە قولايلى. اۋەجاي مەن تەمىرجول ۆوكزالىنا جاقىندىعى وندىرىستىك كومپانيالاردىڭ ونىمدەرىن جىلدام جەتكىزۋىنە مۇمكىندىك بەرەدى. سونىمەن قاتار، پارك ينفراقۇرىلىمى زاماناۋي ستاندارتتارعا ساي جاساقتالعان. مۇندا ەلەكتر ەنەرگياسى، گازبەن جابدىقتاۋ، سۋ جۇيەلەرى، بايلانىس جەلىلەرى جانە كولىك جولدارى سياقتى بارلىق قاجەتتى كوممۋنيكاسيا قاراستىرىلعان. ءوز كەزەگىندە استانا قالاسى اكىمى جەڭىس قاسىمبەك پاركتى قالاعا ينۆەستيسيالار تارتۋعا مۇمكىندىك بەرەتىن ستراتەگيالىق اۋماق ەكەنىن اتاپ ءوتتى.
– يندۋستريالىق پارك – ءوز ونىمدەرىن شىعارۋعا، تۇراقتى جۇمىس ورىندارىن اشۋعا، قالانىڭ دامۋىنا جەكە ينۆەستيسيالار تارتۋعا مۇمكىندىك بەرەتىن ەلوردانىڭ باستى وندىرىستىك الاڭى. №1 يندۋستريالىق پاركتىڭ ونەركاسىپتىك نىساندارىنىڭ ينۆەستيسيالىق پورتفەلى شامامەن 317 ملرد تەڭگە ينۆەستيسيا سوماسىنا 121 جوبانى قامتيدى. ونىڭ ىشىندە 70 جوبا تولىققاندى جۇمىس ىستەپ، 5700-دەن استام جۇمىس ورنى اشىلدى، – دەدى قالا باسشىسى.
تاياۋدا ق ر پرەمەر-مينيسترى ولجاس بەكتەنوۆ يندۋستريالىق پارككە ارنايى كەلىپ، ونىڭ وندىرىستىك قۋاتىمەن تانىسقان بولاتىن. ءوز كەزەگىندە ۇكىمەت باسشىسى تەلەكوممۋنيكاسيالىق جابدىقتاردى شىعارۋمەن اينالىساتىن «Digital System Service» ج ش س زاۋىتىن ارالاپ كورگەن بولاتىن. اۋدانى 7،5 مىڭ شارشى مەتر زاۋىت باعدارلامالىق قامتاماسىز ەتىپ، دايىن ءونىمدى قۇراستىرۋ مەن وراۋدى ەسەپتەگەندە، ءوندىرىستىڭ تولىق سيكلىن قامتاماسىز ەتىلگەنىن ايتا كەتۋىمىز كەرەك.
سونىمەن قاتار قالا باسشىسى ۇكىمەت باسشىسى ولجاس بەكتەنوۆكە يندۋستريالىق پاركتەگى ماگيسترالدىق تەپلوۆوزدار قۇراستىراتىن «لوكوموتيۆ قۇراستىرۋ زاۋىتى» كاسىپورنىن كورسەتكەن بولاتىن. كاسىپورىن ىسكە قوسىلعان ساتتەن باستاپ 611 لوكوموتيۆ قۇراستىرىلعان، ال لوكاليزاسيا دەڭگەيى 75%-عا جەتىپ وتىر. جوباعا 30 ملرد تەڭگە ينۆەستيسيالانىپ، 750-گە جۋىق جۇمىس ورنى قۇرىلدى.
يندۋستريالىق پاركتە بۇدان باسقا «Ashina KZ» ج ش س تىگىن فابريكاسىن، «تاۋ-كەن التىن» ج ش س اففيناج زاۋىتى دا تابىستى جۇمىس ىستەپ جاتقانىن ايتا كەتۋىمىز كەرەك.
– مەملەكەت باسشىسىنىڭ تاپسىرماسى بويىنشا ينۆەستيسيالار تارتۋ، كاسىپكەرلىكتى قولداۋ، ەلدىڭ ونەركاسىپتىك الەۋەتىن اشۋ ءۇشىن جاعداي جاساۋ بويىنشا كەشەندى جۇمىس ءجۇرىپ جاتىر. 2024 جىلدىڭ ءبىرىنشى جارتىجىلدىعىنىڭ قورىتىندىسى بويىنشا استانانىڭ جالپى وڭىرلىك ءونىمىنىڭ (ءجوو) كولەمى 5،5 ترلن تەڭگەگە جەتتى. شاعىن جانە ورتا بيزنەستىڭ ۇلەسى ءجىو قۇرىلىمىندا 72%-دى قۇرايتىنىنا نازار اۋدارعان ءجون. وسى جىلدىڭ 10 ايىندا استاناعا شامامەن 1،3 ترلن تەڭگە ينۆەستيسيا تارتىلدى، ال ونەركاسىپتىك ءوندىرىس كولەمى دە 7%-عا ارتتى، – دەدى جەڭىس قاسىمبەك.
