Syrttan kiretin taýarlardyń barlyǵy valiýtaǵa alynatyndyqtan, keletin taýarlardyń baǵasyn ishte otyryp arzandata almaimyz.
Baǵa turaqsyzdyǵynyń qarapaiym ǵana jaýaby osy.
Jaqynda ǵana Shymkent qalalyq Qoǵamdyq Keńes otyrysynda ASh basqarmasynyń basshysymen bolǵan kezdesýde baǵanyń turaqsyzdyǵy jaily másele kóterildi.
Biraq, baǵany turaqtandyrýǵa olardyń shamasy kelmeitinin túsinip turǵandyqtan kóp saýal qoimadym. (Bárin túsinip turǵandyqtan «Jiynda sóilep qalý úshin suraq qoia salý» qaǵidasyn ustana almaityn ádetim bar)
Óitkeni, másele mynada:
Ár oblystar men qalalardyń óz turaqtandyrý qorlary bar. Olar óz quziretteriniń ainalasynda jumys istep jatyr.
Biraq, bular da baǵany turaqtandyrýǵa shamalary jetpeidi. Aitalyq, Shymkent qalasyndaǵy Turaqtandyrý qorynyń maqsaty – áleýmettik sebetine kiretin 19 taýar túrlerin belgilengen baǵadan asyrmai ustaý. Osy basqarmaǵa turaqtandyrýdy qamtamasyz etý úshin bólineti jyldyq qarjysy 6-7 mlrd teńge. Al Shymkent qalasy turǵyndarynyń tek azyq túlikke jumsalatyn qarjysy 150-180 mlrd teńge. Osyndai kólemdi ainalymdaǵy azyq-túlik sektoryna onyń 5%-na jeter-jetpes qarjymen áser etý múmkin emes.
Bul máselege qai jaǵynan kelseńizde jaǵdaidy sheshý múmkin emes. Ári, ár óńirdiń turaqtandyrý qorlarynyń kólemi ártúrli, jumys isteý tásilderi de derbes bolǵandyqtan bir óńirdiń áleýetimen bútkil Qazaqstandaǵy baǵanyń turaqtanýyna áser etedi dep oilaý – qiial.
Sondyqtan, bútkil ákimderdi «jaǵasynan alyp silkileseń» de odan mardymdy nátije shyqpaidy.
Demek, bul másele memlekettik deńgeide sheshý kerek. Biraq, olar da bul máseleni búgin-erteń sheshe almaidy. Tek qana biýdjetten qarjy alyp, kásipkerlerdiń arzan satqanda kóretin shyǵyndaryn ǵana jaýyp berip otyrýlary múmkin (úirenip qalǵan tásil ǵoi). Basqa múmkindikterin ázirge kórip otyrǵanym joq.
Meniń usynysym mynaý. QR Ekonomika ministirligi men QRAýylsharýashylyq ministirligi birlesip azyq-túlik óndirisin damytýdyń, baǵany turaqtandyrýdyń keshendi baǵdarlamasyn qysqa ýaqytta ázirlep Úkimetke usynýlary kerek. Nemese, otstavka!
Rústem ESIMHANULY
