Resei AQSh diplomattar sanyn qysqartty (qolynan bar kelgeni sol), al AQSh reseilikterge viza berýdi qiyndatty. AQSh-ta 3 milliondai orys turyp jatqanyn eskersek, Kreml óz halqyn qalai qinap jatqanyn túsiný qiyn emes. Endi Resei pasportynan bas tartatyndar kóbeise, tań qalmaimyz.
Al sanktsiiadan keiin paida bolǵan asqan kedeilik, jumyssyzdyq, investitsiianyń kelmeýi – tek halyqqa soqy bolyp tiiýde. Sol sanktsiia bastalǵaly Resei 55 mlrd. dollar joǵaltty. Al keibir sarpshylar 170 mlrd. dollarǵa jetkenin aitady.
Bul sol baiaǵy patshalyqtan kele jatqan imperialistik ambitsiianyń quny. Kórshilerdi jaýlaý, jaipaý.
Al Batys Donbastaǵy soǵysty toqtatpai, sanktsiia alynbaidy dep otyr.
Bir qyzyǵy – halqynyń basym bóligi osyǵan riza. Batysty jamandaý, ózin erekshe el dep seziný. Biraq Eýropaǵa saiahatqa shyqqanda, orystar eń jii kezdesken týrist retinde kórindi. Tipti, soltústiktegi Osloda da qaptap júr. Internette «zagnivaiýshii Zapad, geiropa» dep máz, al artyq aqsha tabylsa, sol Eýropaǵa qydyryp, aqshasyn sonda tastap ketýge daiar.
Biraq osyndai múshkil jaǵdaiyna qaramai, bizdiń latyn álippesine kóshýimizge qarsy (srapshylary «kazahi ýhodiat iz rýsskogo mira» dep aýzy kópirgeni áli este), ortaq valiýta engizemiz deidi. Bul ertegi ǵoi.
Nurmuhamed BAIǴARAEV
https://dalanews.kz/24128
