رەسەي اقش ديپلوماتتار سانىن قىسقارتتى (قولىنان بار كەلگەنى سول)، ال اقش رەسەيلىكتەرگە ۆيزا بەرۋدى قيىنداتتى. اقش-تا 3 ميلليونداي ورىس تۇرىپ جاتقانىن ەسكەرسەك، كرەمل ءوز حالقىن قالاي قيناپ جاتقانىن ءتۇسىنۋ قيىن ەمەس. ەندى رەسەي پاسپورتىنان باس تارتاتىندار كوبەيسە، تاڭ قالمايمىز.
ال سانكسيادان كەيىن پايدا بولعان اسقان كەدەيلىك، جۇمىسسىزدىق، ينۆەستيسيانىڭ كەلمەۋى – تەك حالىققا سوقى بولىپ تيۋدە. سول سانكسيا باستالعالى رەسەي 55 ملرد. دوللار جوعالتتى. ال كەيبىر سارپشىلار 170 ملرد. دوللارعا جەتكەنىن ايتادى.
بۇل سول باياعى پاتشالىقتان كەلە جاتقان يمپەرياليستىك امبيسيانىڭ قۇنى. كورشىلەردى جاۋلاۋ، جايپاۋ.
ال باتىس دونباستاعى سوعىستى توقتاتپاي، سانكسيا الىنبايدى دەپ وتىر.
ءبىر قىزىعى – حالقىنىڭ باسىم بولىگى وسىعان ريزا. باتىستى جامانداۋ، ءوزىن ەرەكشە ەل دەپ سەزىنۋ. ءبىراق ەۋروپاعا ساياحاتقا شىققاندا، ورىستار ەڭ ءجيى كەزدەسكەن تۋريست رەتىندە كورىندى. ءتىپتى، سولتۇستىكتەگى وسلودا دا قاپتاپ ءجۇر. ينتەرنەتتە «زاگنيۆايۋششيي زاپاد، گەيروپا» دەپ ءماز، ال ارتىق اقشا تابىلسا، سول ەۋروپاعا قىدىرىپ، اقشاسىن سوندا تاستاپ كەتۋگە دايار.
ءبىراق وسىنداي مۇشكىل جاعدايىنا قاراماي، ءبىزدىڭ لاتىن الىپپەسىنە كوشۋىمىزگە قارسى (سراپشىلارى «كازاحي ۋحوديات يز رۋسسكوگو ميرا» دەپ اۋزى كوپىرگەنى ءالى ەستە)، ورتاق ۆاليۋتا ەنگىزەمىز دەيدى. بۇل ەرتەگى عوي.
P.S. كەزىندە قۋاتتى كورولدىك بولعان شۆەسيا قازىرگى جوعارى دامىعان ەلگە اينالۋ سەبەبىن ەڭ الدىمەن ءوزىنىڭ يمپەرياىق امبيسيادان باس تارتۋىمەن تۇسىندىرەدى...
نۇرمۇحامەد بايعارايەۆ
https://dalanews.kz/24128
