– Baqylaý kórsetkendeı, alty aıdan keıin vaksınasıalanǵan antıdenelerdiń deńgeıi tómendeıdi, ıaǵnı aýrýdyń yqtımaldyǵy artady. Sondyqtan revaksınasıanyń máni – halyqtyń ımýndyq qabatyn qoldaý. Imýndyq jaýaptyń ózindik zańdylyqtary bar. Antıgenmen ár kezdesý jad jasýshalaryn nyǵaıtady. Údetkish vaksınasıadan keıin ımýnıtet kúshti bolady, – dedi ımmýnolog.
Almatylyq ımmýnolog vaksınanyń eki dozasyn da alǵanyn, onyń egde jastaǵy anasy da vaksınalanǵanyn atap ótti. Sozylmaly aýrýlary bar adamdar, qaýipti toptar men qart adamdar úshin ol úshinshi vaksınany alýǵa keńes beredi.
Elmıra Bıtanova qala turǵyndaryna qystyń bastalýyna deıin tumaýǵa jáne koronavırýsqa qarsy vaksınalanýǵa shaqyrdy.
Alty aı buryn jáne odan da kóp ýaqyt buryn vaksınanyń eki komponentin alǵandardy Elmıra Bıtanova údetkish vaksınasıany keshiktirmeýge shaqyrdy.
– Baqylaý nátıjeleri COVID-19 vaksınalarynyń qorǵanys áseri tómendeýi múmkin ekenin kórsetedi. Sondyqtan ádistemelik usynystar jańa shtamdardan jetkilikti qorǵanys úshin revaksınasıany kórsetedi. Vaksınalar ımýndyq reaksıany kúsheıtý úshin jasalady, ásirese bizde qatań olqylyqtar, dáleldi kezeńder bar, biz keıbir antıdenelerdi basqalaryna salmaımyz. Imýndyq júıe jattyǵady, vaksınalar oǵan trenajer bolyp sanalady, – dep qosty Elmıra Bıtanova.
Onyń aıtýynsha, vaksınasıa men revaksınasıadan keıin ımýnıtet aýrýdan keıingi ımýnıtetke qaraǵanda kúshti. Bul jaǵdaıda antıdenelerdiń tıtrine nazar aýdarýdyń qajeti joq, jasýshalyq ımýnıtettiń qanshalyqty daıyndalǵany úlken mánge ıe.
– Bul qaýipti ınfeksıa, onymen ázildesýge bolmaıdy. Údetkish vaksına sıaqty qural bolǵandyqtan, ony alý kerek, – dedi Elmıra Bıtanova.
Immýnolog almatylyqtardy betperde rejımin jáne basqa da belgilengen sanıtarlyq talaptardy saqtaýǵa shaqyrdy, óıtkeni qalada JRVI jaǵdaılarynyń sany kóp. Bul ınfeksıanyń belgileri koronavırýsqa uqsas. Elmıra Bıtanova JRVI-men jylyna tórt ret aýyratyn eresekterdiń barynsha saq bolýy kerektigin atap ótti.
