Ilia Ilin: "Rio Olimpiadasyna daiyndyq ústindemin jáne ol úshin barymdy salamyn"
– Bul xabar men úshinde tóbemnen jai túskendei bolyp tur, – deidi Ilia. Halyqaralyq aýyr atletika federatsiiasynyń erejesine sáikes men týraly barlyq aqparat "ADAMS" xalyqaralyq júiesinde tirkelgen. Bul júiede meniń ómirimniń ár saǵaty qai jerde, qalai ótetini tolyq kórsetilgen. Meili ol jattyǵý ýaqyty bolsyn, meili basqa ýaqyt bolsyn. Sondyqtan men WADA qyzmetkerleri úshin árqashan ashyqpyn jáne únemi olardyń baqylaýyndamyn.
Onyń aitýynsha, biyl Polshada jáne Almaty qalasynda ótken oqý-jattyǵý jiyny kezinde eki ret dopingtik tekserýden ótken.
– Birde bir xalyqaralyq jarys dopingtik tekserýsiz ótpeitini barshańyzǵa málim. Mende barlyq sportshylar siiaqty 2004 jyldan beri dopingtik tekserýden ótip kelemin jáne nátijesi únemi taza boldy.
Qazirde Rio Olimpiadasyna daiyndyq ústindemin jáne ol úshin barymdy salamyn. Bul iske elimizdiń sport bamqarmasy barynsha bel sheship kirisýde, maýsymnyń aiaǵynda bir nátije bolar dep oilaimyn.
Olimpiada oiyndaryna qatysýǵa tapsyrys berý úshin shilde aiynyń ortasyna deiin ýaqytym bar. Maǵan qatysty bul oqiǵanyń qisynsyz ekenin dáleldep shyǵamyz dep oilaimyn.
Men ómirimniń 20 jylyn sportqa arnadym. Kún demei, tún demei jattyǵý zalynda alaqanymnyń terisi sypyrylyp túskenshe ter tóktim. Kúnine úsh jattyǵýdan jasadym. Men Otanym aldyndaǵy jaýapkershilikti, azamattyq boryshymdy bir satkede jadymnan shyǵarǵan emespin. Halqyma tek jeńis syilaý úshin barymdy salyp baqtym. Maǵan qatysty qandai sheshim qabyldansada osyny bile júrseńizder eken deimin. Osynshama jyldar boiy qiyn sátterde, qýanyshty sátterdede meni qoldap keldińizder. Qazirde qoldaidy dep senemin. Uldaryńyz Ilia Ilin, – dep aiaqtapty óziniń sózin ziltemirshi jigitimiz.
