– بۇل xابار مەن ۇشىندە توبەمنەن جاي تۇسكەندەي بولىپ تۇر، – دەيدى يليا. حالىقارالىق اۋىر اتلەتيكا فەدەراسياسىنىڭ ەرەجەسىنە سايكەس مەن تۋرالى بارلىق اقپارات "ADAMS" xالىقارالىق جۇيەسىندە تىركەلگەن. بۇل جۇيەدە مەنىڭ ءومىرىمنىڭ ءار ساعاتى قاي جەردە، قالاي وتەتىنى تولىق كورسەتىلگەن. مەيلى ول جاتتىعۋ ۋاقىتى بولسىن، مەيلى باسقا ۋاقىت بولسىن. سوندىقتان مەن WADA قىزمەتكەرلەرى ءۇشىن ءارقاشان اشىقپىن جانە ۇنەمى ولاردىڭ باقىلاۋىندامىن.
ونىڭ ايتۋىنشا، بيىل پولشادا جانە الماتى قالاسىندا وتكەن وقۋ-جاتتىعۋ جيىنى كەزىندە ەكى رەت دوپينگتىك تەكسەرۋدەن وتكەن.
– بىردە ءبىر xالىقارالىق جارىس دوپينگتىك تەكسەرۋسىز وتپەيتىنى بارشاڭىزعا ءمالىم. مەندە بارلىق سپورتشىلار سياقتى 2004 جىلدان بەرى دوپينگتىك تەكسەرۋدەن ءوتىپ كەلەمىن جانە ناتيجەسى ۇنەمى تازا بولدى.
قازىردە ريو وليمپياداسىنا دايىندىق ۇستىندەمىن جانە ول ءۇشىن بارىمدى سالامىن. بۇل ىسكە ەلىمىزدىڭ سپورت بامقارماسى بارىنشا بەل شەشىپ كىرىسۋدە، ماۋسىمنىڭ اياعىندا ءبىر ناتيجە بولار دەپ ويلايمىن.
وليمپيادا ويىندارىنا قاتىسۋعا تاپسىرىس بەرۋ ءۇشىن شىلدە ايىنىڭ ورتاسىنا دەيىن ۋاقىتىم بار. ماعان قاتىستى بۇل وقيعانىڭ قيسىنسىز ەكەنىن دالەلدەپ شىعامىز دەپ ويلايمىن.
مەن ءومىرىمنىڭ 20 جىلىن سپورتقا ارنادىم. كۇن دەمەي، ءتۇن دەمەي جاتتىعۋ زالىندا الاقانىمنىڭ تەرىسى سىپىرىلىپ تۇسكەنشە تەر توكتىم. كۇنىنە ءۇش جاتتىعۋدان جاسادىم. مەن وتانىم الدىنداعى جاۋاپكەرشىلىكتى، ازاماتتىق بورىشىمدى ءبىر ساتكەدە جادىمنان شىعارعان ەمەسپىن. حالقىما تەك جەڭىس سىيلاۋ ءۇشىن بارىمدى سالىپ باقتىم. ماعان قاتىستى قانداي شەشىم قابىلدانسادا وسىنى بىلە جۇرسەڭىزدەر ەكەن دەيمىن. وسىنشاما جىلدار بويى قيىن ساتتەردە، قۋانىشتى ساتتەردەدە مەنى قولداپ كەلدىڭىزدەر. قازىردە قولدايدى دەپ سەنەمىن. ۇلدارىڭىز يليا يلين، – دەپ اياقتاپتى ءوزىنىڭ ءسوزىن زىلتەمىرشى جىگىتىمىز.
