Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Yessenov University kampýsy jańa nysandarmen tolyqty

Dalanews
Yessenov University kampýsy jańa nysandarmen tolyqty
QR Ǵylym jáne joǵary bilim ministri Saiasat Nurbek bastap, qyryqtan astam JOO basshylary Aqtaýdaǵy Esenov ýniversitetine arnaiy keldi. Qonaqtar ýniversitet kampýsyndaǵy Tehnopark, Stýdentter saiabaǵy, Stadion jobasymen tanysyp, Teńiz akademiiasy ǵimaratynyń qurylysyn aralady. Jańa jataqhananyń ashylý saltanatyna qatysty, – dep habarlaidy Dalanews.kz.

Memleket basshysynyń innovatsiialyq ekojúie qurý týraly ideiasy aiasynda ýniversitet prezidenti Berik Ahmetov qonaqtarǵa bolashaq injenerler men tehnologtarǵa, IT mamandaryna ǵylymi-tehnikanyń ártúrli salalarynan bilim beretin, tehnikalyq oilaýdy damytatyn Yessonov Technopark kesheniniń jobasyn tanystyrdy.

Zerthanalar stýdentter men ónertapqysh qala turǵyndary úshin 24/7 ashyq ári qoljetimdi bolady. Tehnopark MVP (Minimum Viable Product) aǵashtan, metaldan prototip jasaýǵa múmkindik beretin orynǵa ainalady.

Tehnopark kesheninde ornatylǵan eskertkish tasqa oblys ákimi Nurlan Noǵaev, ministr Saiasat Nurbek jáne ýniversitet prezidenti Berk Ahmetov ýaqyt kapsýlasyn saldy. Kapsýla ishindegi bolashaqqa jazylǵan amanat hat 2076 jyly – Esenov ýniversitetiniń 100 jyldyq mereitoiynda ashylady dep josparlanǵan.


Sondai-aq, qonaqtarǵa Jylyjai, Jasyl tehnologiialar ortalyǵy, Sý tushytý qondyrǵysy tanystyryldy. Odan ary mártebeli meimandar stýdenttik saiabaq aýmaǵyna alǵashqy túp taldaryn otyrǵyzdy.

Tarihi sátter ýniversitet territoriiasynda salynǵan 500 oryndyq jańa jataqhananyń lentasyn qiiý rásimimen jáne jataqhana foesinde jýrnalisterge arnalǵan baspasóz konferentsiiasymen jalǵasty.

Memleket basshysy Joldaýynda joǵary oqý oryndaryna jataqhana problemasyn sheshý úshin qurylys kompaniialarymen memlekettik-jekemenshik seriktestik ornatýdy tapsyrdy.

Osy oraida Esenov ýniversiteti men «Aisar-Stroi» JShS konsortsiým quryp, jataqhana qurylysyn salyp bitirdi. Jataqhana eki adamdyq bólmelerden turady. Barlyǵynda jeke-jeke jýynatyn oryn men dárethanasy, tamaq daiyndaýǵa arnalǵan plita, onyń ústinde bý men tútin sorǵysh qurylǵylar ornatylǵan. Nysan tehnikalyq qaýipsizdik talaptaryna tolyq sai, munda órt qaýipsizdigi men sanitarlyq normalar qatań saqtalady.

Osy saparynda ministr Saiasat Nurbek Yessenov University stýdenttermen kezdesip, jasandy intellekt taqyrybynda dáris oqydy.
Nurlan Noǵaev Aqtaý Stadion Jasandy intellekt Saiasat Nurbek Yessenov University Esenov ýniversiteti Tehnopark Stýdentter saiabaǵy Yessonov Technopark tehnikalyq qaýipsizdik Madina Sádýaqasova

Oqi otyryńyz