Qazaqstandyq ánshi Yenlik kýltke ainalǵan A COLORS SHOW mýzykalyq jobasyna qatysyp, úlken serpilis jasady. COLORS – juldyzdar bir tústi fon aiasynda jandy daýysta án oryndaityn nemistiń YouTube-arnasy, dep habarlaidy Dalanews.kz.
Yenlik bul jobaǵa shaqyrtý alǵan Qazaqstannan shyqqan alǵashqy ártis atandy. Bul – onyń kópten bergi armany.
«Usynys kelgende baqyttan jylap jiberdim. Buryn ózimiz birneshe ret ótinim berip kórgenbiz, biraq nátije bolmady. Al bul joly COLORS meni ózderi taýyp aldy», – deidi ánshi.
Yenliktiń aitýynsha, tabystyń syry – shynaiylyqta. Shoýdyń komandasyn onyń biregei mýzykasy men qazaq tili – jarqyn lokal sahnanyń daýysyna ainalǵan stili qyzyqtyrǵan bolýy múmkin.
Túsirilimder jaily, kamerlik ortada ótip, bar-joǵy birneshe saǵatqa sozylǵan. Al óner kórsetýdiń vizýaldyq kody retinde arnaiy bir tús tańdalǵan.
