Alyp sý kóligi Pýtın áskeri Ýkraınaǵa basyp kirgen naýyz aıynda arestke qoıylǵan bolatyn.
23 tamyz kúni sýper ıahta bássaýdaǵa shyǵarylǵan sátte ony satyp alýǵa yqylas tanytyp, 63 adam usynys jasaǵan.
Qazirshe ıahtany kimniń, qanshaǵa satyp alǵany belgisiz. Bássaýdany uıymdastyrýshylar sý kóliginiń kimge, qanshaǵa satylǵanyn aldaǵy eki aptanyń ishinde jarıa etýge ýáde berdi.
Uzyndyǵy 72 metr bolatyn Axioma sýper ıahtasynan túsken qarjynyń biraz bóligin amerıkanyń JP Morgan ınvestısıalyq bankiniń esep-shotyna kelip túsedi. Óıtkeni qaıyqtyń qojaıny atalǵan bankke 20 mln dollarǵa qaryzdanyp qalǵan.
Sýper ıahtanyń qonaq qabyldaıtyn alty kaıýtasy, baseıni, 3D-kınoteatry, trenajer zaly bar ekenin esterińizge salamyz.
Iahtanyń osyǵan deıingi qojaıyny olıgarh Pýmpánskıı Reseıdiń munaı-gaz salasyna arnap temir qubyrlar shyǵaratyn TMK kompanıasynyń qojaıyny. Ol osyǵan deıin óndirgen ónimderin Gazpromǵa satyp paıdaǵa belsheden batyp kelgen-di.
Reseı Ýkrıanaǵa basyp kirgennen keıin Pýmpánskııge Ulbrıtanıa, AQSH jáne EýroOdaq elderi sanksıa salǵan bolatyn.
