الىپ سۋ كولىگى پۋتين اسكەرى ۋكرايناعا باسىپ كىرگەن ناۋىز ايىندا ارەستكە قويىلعان بولاتىن.
23 تامىز كۇنى سۋپەر ياحتا ءباسساۋداعا شىعارىلعان ساتتە ونى ساتىپ الۋعا ىقىلاس تانىتىپ، 63 ادام ۇسىنىس جاساعان.
قازىرشە ياحتانى كىمنىڭ، قانشاعا ساتىپ العانى بەلگىسىز. ءباسساۋدانى ۇيىمداستىرۋشىلار سۋ كولىگىنىڭ كىمگە، قانشاعا ساتىلعانىن الداعى ەكى اپتانىڭ ىشىندە جاريا ەتۋگە ۋادە بەردى.
ۇزىندىعى 72 مەتر بولاتىن Axioma سۋپەر ياحتاسىنان تۇسكەن قارجىنىڭ ءبىراز بولىگىن امەريكانىڭ JP Morgan ينۆەستيسيالىق بانكىنىڭ ەسەپ-شوتىنا كەلىپ تۇسەدى. ويتكەنى قايىقتىڭ قوجاينى اتالعان بانككە 20 ملن دوللارعا قارىزدانىپ قالعان.
سۋپەر ياحتانىڭ قوناق قابىلدايتىن التى كايۋتاسى، باسسەينى، 3D-كينوتەاترى، ترەناجەر زالى بار ەكەنىن ەستەرىڭىزگە سالامىز.
ياحتانىڭ وسىعان دەيىنگى قوجايىنى وليگارح پۋمپيانسكيي رەسەيدىڭ مۇناي-گاز سالاسىنا ارناپ تەمىر قۇبىرلار شىعاراتىن TMK كومپانياسىنىڭ قوجايىنى. ول وسىعان دەيىن وندىرگەن ونىمدەرىن گازپرومعا ساتىپ پايداعا بەلشەدەن باتىپ كەلگەن-دى.
رەسەي ۋكرياناعا باسىپ كىرگەننەن كەيىن پۋمپيانسكييگە ۇلبريتانيا، اقش جانە ەۋرووداق ەلدەرى سانكسيا سالعان بولاتىن.
