Taıaýda  Aqmola oblysynyń ortalyǵy Kókshetaý qalasynda, oblystyq mádenıet basqarmasyna qarasty «Ádebıet jáne óner» mýzeıiniń uıymdastyrýymen túrki áleminiń rýhanı kóshbasshysy Qoja Ahmet Iassaýıdiń 850 jyldyǵyna oraı «Qoja Ahmet Iassaýı murasy: mańyzdylyǵy, sıpaty jáne ǵıbraty» atty aımaqaralyq ǵylymı konferensıa bolyp ótti.



Konferensıa aıasynda elimizdegi irgeli «Áziret Sultan» memlekettik tarıhı-mádenı qoryq-mýzeıi «Iassaýı muralary» taqyrybynda kórme uıymdastyrdy. Kórme ekspozısıasyna 50-den astam jazba jaýharlary kópshilik nazaryna usynyldy.



Onyń ishinde asa qundy qoljazba kitaptar, sonymen qatar kóne Túrkistannyń HIH ǵasyrdaǵy jaǵdaıynan syr shertetin foto sýretteri qoıyldy.
Kórmeni tamashalaýǵa oblys ákiminiń orynbasary N.Núrkenov, oblystyq mádenıet basqarmasynyń basshysy S.Bóribaeva, ıassaýıtanýshy ǵalymdar, mádenıet jáne qoǵam qaıratkerleri, BAQ ókilderi qatysty.