Sotta aldyn ala sóz baılasý arqyly Iana Legkodımovany óltirdi dep aıyptalǵan sottalýshylarǵa qatysty qylmystyq is qaralyp jatyr, dep habarlaıdy Dalanews.kz.
Sot aldynda eki aıyptalýshy otyr.
"Olar kisi óltirgennen keıin máıitti jáne telefonyn ózenge tastaǵan. Quqyq qorǵaý organdaryna marqumnyń denesin anyqtaý úshin 8 aı ýaqyt qajet boldy. Aldyn ala josparlanǵan bul qylmys zorlyq-zombylyq qoldaný arqyly izderdi jasyrýmen, erekshe qoǵamdyq qaýiptilikpen, sottalýshylardyń adam óltirgennen keıingi sýyqqandy jáne adamgershilikke jat minez-qulyq áreketterimen sıpattalady", - dedi prokýrorlar.
Osyǵan baılanysty prokýror eń joǵarǵy jaza – ómir boıyna bas bostandyǵynan aıyrý jazasyn taǵaıyndaýdy suraǵan.
Eske salaıyq, buǵan deıin istiń mán-jaıyn jazǵan edik. Tergeý málimetinshe, Iana 2024 jylǵy 18 qazanda úıinen tanysynyń qońyraýynan keıin shyǵyp ketip, qaıta oralmaǵan. Kúdiktiler - 24 jáne 25 jastaǵy eki er adam. Tergeý málimeti boıynsha olardyń biri qyzdy kólikte tunshyqtyrǵan, ekinshisi esikti jaýyp turǵan. Keıin súıekti Taldykól mańyndaǵy Jaıyq ózenine tastaǵan.
Marqumnyń súıegi segiz aıdan keıin, 2025 jylǵy maýsymda tabyldy.
