Hasan Qasymbaevqa qatysty iste taǵy bir jábirlenýshi paida boldy. Bul týraly birinshi jábirlenýshi Arman Álimovtiń advokaty málimdedi, - dep habarlaidy Dalanews.kz Massaget.kz-ke siltep.
Buǵan deiin Hasan Qasymbaevqa qatysty adam urlaý, densaýlyqqa qasaqana aýyr ziian keltirý jáne bopsalaý derekteri boiynsha tergeý bastalǵan bolatyn.
"Urlaý jáne densaýlyqqa aýyr ziian keltirý Armanǵa qatysty, al bopsalaý basqa jábirlenýshige qatysty", - dedi advokat Álisher Álishev.
Ol osylaisha bul is boiynsha eki jábirlenýshi baryn rastady.
Advokat Álisher Álishev Hasan Qasymbaev qazir ýaqytsha ustaý izoliatorynda otyrǵanyn málimdedi. Oǵan UQT qurý jáne basshylyq etý boiynsha aiyp taǵylmaǵan.
"Tergeý aiaqtalǵanyn jáne is materialdarymen tanysý protsesin kútemiz. Tergeý júrip jatyr, nátijelerin kútemiz", - dedi advokat Álisher Álishev.
Eske salaiyq, Hasan Qasymbaev byltyr qamaýǵa alynǵan bolatyn.
Keiin politsiia málimdeme jasap, Hasan Qasymbaevtyń ustalýy - Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol azamat Arman Alimovti urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyldyń maýsymynda bolǵan.
"Qazirgi ýaqytta qylmystyń barlyq mán-jaiyn jan-jaqty, tolyq jáne obektivti zertteýdi qamtamasyz etý úshin tergeý áreketteriniń kesheni júrgizilip jatyr. Is materialdary bultartpaý sharasyn sanktsiialaý úshin sotqa jiberildi", - dedi buǵan deiin Almaty oblystyq PD ókilderi.
Ermuhamet Ertisbaev aǵasy ákimdikte jumys istegen aýdanda Hasan Qasymbaevtyń tabysqa qalai kenelgenin quqyq qorǵaý organdary tekserýi kerek dep málimdedi.
