Atalmysh qujat aıasynda bilim, ǵylym jáne tehnologıa salasynda túrli jobalardy birlese júzege asyrý týraly kelisimge qol jetkizilip otyr. Kentaý transformator zaýyty negizinde ýnıversıtetimizde stýdentterin dýaldy oqytý baǵdarlamasyn birlesip júzege asyrý jedel jobalardyń biri bolyp tabylady.
Ol bilim berýdi jáne ekonomıkanyń naqty sektoryn biriktirý týraly memleket basshysynyń ıdeıasyn is júzinde júzege asyrýdy kózdeıdi. Baǵdarlama Joǵary Memlekettik basqarý jáne ekonomıka mektebi men Injenerıa fakúltetiniń 8 mamandyǵyn qamtıdy. Joba aıasynda ýnıversıtet qabyrǵasynda teorıalyq oqýmen tikeleı zaýytta, zerthanalar men sehtarda praktıkalyq daıyndyq úılestiriletin bolady.
Inovasıalyq oqý josparlary aıasynda ýnıversıtettiń eki fakúltetiniń stýdentteri teorıa boıynsha úsh kún oqıdy, ýnıversıtet oqytýshylary, zaýyt basshylary men mamandary stýdentter óz mamandyqtary boıynsha praktıkalyq jumys daǵdylaryn ıelený úshin eki kún sabaqty zaýytta ótkizetin bolady dep josparlanýda.
Sondaı-aq, memorandým aıasynda IT jáne ınjenerlik mamandyqtar, tehnopark boıynsha birlesken oqý jáne ǵylymı zerthanalar qurý, birlesken ǵylymı-praktıkalyq semınarlar, konferensıalar ótkizý boljanýda. HQTÝ bazasynda respýblıkamyzdyń ınjenerlik-tehnıkalyq jumysshylarynyń biliktiligin arttyrý boıynsha Ǵylymı-ınjenerlik ortalyq uıymdastyrylatyn bolady.
Kentaý transformator zaýytynyń basshylyǵy sondaı-aq ýnıversıtetke oqý-ǵylymı ádebıetpen jabdyqtaýǵa, ınjenerıa fakúltetiniń aýdıtorlyq qorynyń dızaınyna jáne olardy zamanaýı oqý quraldarymen jabdyqtaýǵa qoldaý kórsetedi.
Atalmysh joba Qazaqstanda dýaldy bilim konsepsıasyn praktıkalyq júzege asyrýdyń alǵashqy naqty mysaldarynyń birine aınalady.
