اتالمىش قۇجات اياسىندا ءبىلىم، عىلىم جانە تەحنولوگيا سالاسىندا ءتۇرلى جوبالاردى بىرلەسە جۇزەگە اسىرۋ تۋرالى كەلىسىمگە قول جەتكىزىلىپ وتىر. كەنتاۋ ترانسفورماتور زاۋىتى نەگىزىندە ۋنيۆەرسيتەتىمىزدە ستۋدەنتتەرىن دۋالدى وقىتۋ باعدارلاماسىن بىرلەسىپ جۇزەگە اسىرۋ جەدەل جوبالاردىڭ ءبىرى بولىپ تابىلادى.
ول ءبىلىم بەرۋدى جانە ەكونوميكانىڭ ناقتى سەكتورىن بىرىكتىرۋ تۋرالى مەملەكەت باسشىسىنىڭ يدەياسىن ءىس جۇزىندە جۇزەگە اسىرۋدى كوزدەيدى. باعدارلاما جوعارى مەملەكەتتىك باسقارۋ جانە ەكونوميكا مەكتەبى مەن ينجەنەريا فاكۋلتەتىنىڭ 8 ماماندىعىن قامتيدى. جوبا اياسىندا ۋنيۆەرسيتەت قابىرعاسىندا تەوريالىق وقۋمەن تىكەلەي زاۋىتتا، زەرتحانالار مەن سەحتاردا پراكتيكالىق دايىندىق ۇيلەستىرىلەتىن بولادى.
يننوۆاسيالىق وقۋ جوسپارلارى اياسىندا ۋنيۆەرسيتەتتىڭ ەكى فاكۋلتەتىنىڭ ستۋدەنتتەرى تەوريا بويىنشا ءۇش كۇن وقيدى، ۋنيۆەرسيتەت وقىتۋشىلارى، زاۋىت باسشىلارى مەن ماماندارى ستۋدەنتتەر ءوز ماماندىقتارى بويىنشا پراكتيكالىق جۇمىس داعدىلارىن يەلەنۋ ءۇشىن ەكى كۇن ساباقتى زاۋىتتا وتكىزەتىن بولادى دەپ جوسپارلانۋدا.
سونداي-اق، مەموراندۋم اياسىندا يت جانە ينجەنەرلىك ماماندىقتار، تەحنوپارك بويىنشا بىرلەسكەن وقۋ جانە عىلىمي زەرتحانالار قۇرۋ، بىرلەسكەن عىلىمي-پراكتيكالىق سەمينارلار، كونفەرەنسيالار وتكىزۋ بولجانۋدا. حقتۋ بازاسىندا رەسپۋبليكامىزدىڭ ينجەنەرلىك-تەحنيكالىق جۇمىسشىلارىنىڭ بىلىكتىلىگىن ارتتىرۋ بويىنشا عىلىمي-ينجەنەرلىك ورتالىق ۇيىمداستىرىلاتىن بولادى.
كەنتاۋ ترانسفورماتور زاۋىتىنىڭ باسشىلىعى سونداي-اق ۋنيۆەرسيتەتكە وقۋ-عىلىمي ادەبيەتپەن جابدىقتاۋعا، ينجەنەريا فاكۋلتەتىنىڭ اۋديتورلىق قورىنىڭ ديزاينىنا جانە ولاردى زاماناۋي وقۋ قۇرالدارىمەن جابدىقتاۋعا قولداۋ كورسەتەدى.
اتالمىش جوبا قازاقستاندا دۋالدى ءبىلىم كونسەپسياسىن پراكتيكالىق جۇزەگە اسىرۋدىڭ العاشقى ناقتى مىسالدارىنىڭ بىرىنە اينالادى.
