Almaty ákimi Erbolat Dosaevtyń Áýezov aýdanynyń turǵyndarymen kezdesýinde qyzyq jait bolǵan edi. Qala ákimi turǵynnan syilyq aldy. Búgin ákimniń Naýryzbai aýdany turǵyndarymen kezdesýine sol adam taǵy izdep keldi. Al bul joly ákim odan keshirim surady, - dep habarlaidy Dalanews.kz.
Halyq arasynda jii synǵa qalatyn Dosaev ózine syilyq jasaǵan jigitti birden tanydy. Tipti odan keshirim surap ta úlgerdi.
"Qalaisyń? Seni men úshin heitke ushyratty, keshir.
Keide shyn júrekten jasalǵan nárselerdi qoǵam árqashan durys qabyldai bermeidi. Bir jaǵynan alyp qaraǵanda jumysyma jáne áriptesterimniń jumysyna oń baǵa bergenińe rizamyn, biraq saǵan kelgen qolaisyzdyqtar úshin keshirim suraimyn", - dedi Dosaev.
Aita keteiik, buǵan deiin sol turǵyn ákimge qalada sheshilgen máseleler úshin alǵys aitqan edi.
"Birinshi kezekte elektr energiiasyn esepke alý aspaptarynyń 141-den 115 myńǵa deiin tómendegeni úshin alǵysymdy bildirgim keledi. Qyrkúiekte 90 million teńgeden asa qarajat únemdeldi. Siz avtobýs jolaǵyn jasadyńyz, sizge osy máseleni aityp júgingenmin, ol úshin de raqmet. Aqjar jáne Shuǵyla shaǵynaýdandarynyń turǵyndarynyń atynan kósheler sozylǵany úshin erekshe raqmet. Sondai-aq, bul aýdanda ortalyq sýmen jabdyqtaý jáne káriz júiesi bolady. Árbir máselede siz qyzyǵýshylyq tanyttyńyz", - dedi almatylyq.
Osylaisha riza turǵyn Dosaevqa onyń sýreti men qalada sheshilgen problemalar beinelengen sýret berdi. Al riza sheneýnik syilyqty alyp, áieline aparyp beretinin jetkizdi.
"Meni Antikor alyp ketse she?! Úige alyp ketemin. Syilyq úshin raqmet, áielime aparyp beremin", - dep kúldi Dosaev buǵan deiin.
