Hasan Qasymbaevtyń týystary prezıdentke úndeý joldap, isti jeke baqylaýǵa alýdy surady, dep habarlaıdy Dalanews.kz.
Aıyptalýshynyń jubaıy Zúlfıa Qasymbaeva Nege.kz telegram arnasyna pikir bildirdi.
"Eger ádil sheshim shyqpasa, ózimdi dál osy jerde órteımin", - dedi ol.
Aıta keteıik, Hasan Qasymbaev 2024 jyldyń 2 qarashasynda ustalǵan bolatyn.
28 qazanda prokýror Erlan Qulanbaev sotta Qasymbaevty 15 jylǵa bas bostandyǵynan aıyrýdy surady. Bul týraly aıyptalýshynyń advokaty Gúlmıra Babajanova redaksıa tilshisine habarlaǵan.
"Biz aıyptaýmen tolyq kelispeımiz. Qorǵaý taraby bizdiń qorǵaýymyzdaǵy azamatty aqtaýdy talap etedi, sebebi eki epızod boıynsha jábirlenýshiniń óz sózinen basqa eshqandaı dálel joq", – dedi advokat.
Qasymbaevqa úsh bap boıynsha aıyp taǵylǵan: adam urlaý, densaýlyqqa qasaqana aýyr zıan keltirý jáne zorlyqpen aqsha talap etý.
Onymen birge sot aldynda taǵy bes adam jaýap berip jatyr. İs boıynsha eki jábirlenýshi bar: aralas jekpe-jek sheberi ári jattyqtyrýshy Arman Álimov jáne kásipker Arıpjan Tajıev.
