AQSh prezidenti Donald Tramp eki jylǵa jýyq jalǵasqan soǵysty toqtatý jónindegi ýltimatýmyn ishinara qabyldaǵan HAMAS áreketin quptai otyryp, Izrailden Gaza sektoryn bombalaýdy «dereý» toqtatýdy talap etti, dep habarlaidy Dalanews.kz.
Tramp muny «turaqty beibitshilikke qarai jasalǵan qadam» dep atap, munyń búkil Taiaý Shyǵystaǵy kópten kútken ymyra ekenin atap ótti.
"HAMAS-tyń jańa ǵana jariialaǵan málimdemesine súiene otyryp, men olardy turaqty BEIBITShILIK-ke daiyn dep sanaimyn. Izrail Gaza sektoryn bombalaýdy dereý toqtatýy kerek, sonda biz kepilge alynǵandardy qaýipsiz ári tez bosata alamyz! Shalt áreketter qazir tym qaýipti. Biz alda egjei-tegjeili pysyqtalýy kerek máseleler boiynsha qazirdiń ózinde kelissózder júrgizip jatyrmyz. Bul arada tek Gaza emes, Taiaý Shyǵystaǵy kópten kútken beibitshilik týraly sóz bolyp otyr", - dep jazdy AQSh prezidenti áleýmettik jelide 2025 jyldyń 4 qazanynda.
Buǵan jaýap retinde Izrail kepilge alynǵandardy bosatý josparynyń birinshi kezeńine daiyndalyp jatqandaryn jariialady, biraq bombalaýdy toqtatý úshin qandai talap qoiylatyndyǵyn naqtylamady, dep habarlaidy The Guardian.
Bul málimdemelerge qaramastan, Izraildiń Gazaǵa shabýyldary jalǵasýda. Jergilikti turǵyndardyń aitýynsha, Remal men Han Iýnis aýdandary qarýly shabýyldarǵa ushyraýda. Al Gaza halqy kelissózder týraly habardy zor qýanyshpen qabyldap, qatty qýanysty. Olar soǵystyń tez aiaqtalýynan úmitti.
Tramptyń jospary atysty toqtatýdy, kepilge alynǵandar men tutqyndardy aiyrbastaýdy, Izrail áskerlerin aýmaqtan birtindep shyǵarýdy, basqarýdy táýelsiz Palestina biligine berýdi jáne gýmanitarlyq kómekti arttyrýdy kózdeidi.
4 qazanda tańerteń HAMAS barlyq kepilge alynǵandardy bosatýǵa jáne Donald Tramptyń josparyna sáikes Gaza sektoryn basqarýdaǵy ózgeriske kelisti.
