اقش پرەزيدەنتٸ دونالد ترامپ ەكٸ جىلعا جۋىق جالعاسقان سوعىستى توقتاتۋ جٶنٸندەگٸ ۋلتيماتۋمىن ٸشٸنارا قابىلداعان حاماس ەرەكەتٸن قۇپتاي وتىرىپ, يزرايلدەن گازا سەكتورىن بومبالاۋدى «دەرەۋ» توقتاتۋدى تالاپ ەتتٸ, دەپ حابارلايدى Dalanews.kz.
ترامپ مۇنى «تۇراقتى بەيبٸتشٸلٸككە قاراي جاسالعان قادام» دەپ اتاپ, مۇنىڭ بٷكٸل تاياۋ شىعىستاعى كٶپتەن كٷتكەن ىمىرا ەكەنٸن اتاپ ٶتتٸ.
"حاماس-تىڭ جاڭا عانا جارييالاعان مەلٸمدەمەسٸنە سٷيەنە وتىرىپ, مەن ولاردى تۇراقتى بەيبٸتشٸلٸك-كە دايىن دەپ سانايمىن. يزرايل گازا سەكتورىن بومبالاۋدى دەرەۋ توقتاتۋى كەرەك, سوندا بٸز كەپٸلگە الىنعانداردى قاۋٸپسٸز ەرٸ تەز بوساتا الامىز! شالت ەرەكەتتەر قازٸر تىم قاۋٸپتٸ. بٸز الدا ەگجەي-تەگجەيلٸ پىسىقتالۋى كەرەك مەسەلەلەر بويىنشا قازٸردٸڭ ٶزٸندە كەلٸسسٶزدەر جٷرگٸزٸپ جاتىرمىز. بۇل ارادا تەك گازا ەمەس, تاياۋ شىعىستاعى كٶپتەن كٷتكەن بەيبٸتشٸلٸك تۋرالى سٶز بولىپ وتىر", - دەپ جازدى اقش پرەزيدەنتٸ ەلەۋمەتتٸك جەلٸدە 2025 جىلدىڭ 4 قازانىندا.
بۇعان جاۋاپ رەتٸندە يزرايل كەپٸلگە الىنعانداردى بوساتۋ جوسپارىنىڭ بٸرٸنشٸ كەزەڭٸنە دايىندالىپ جاتقاندارىن جارييالادى, بٸراق بومبالاۋدى توقتاتۋ ٷشٸن قانداي تالاپ قويىلاتىندىعىن ناقتىلامادى, دەپ حابارلايدى The Guardian.
بۇل مەلٸمدەمەلەرگە قاراماستان, يزرايلدٸڭ گازاعا شابۋىلدارى جالعاسۋدا. جەرگٸلٸكتٸ تۇرعىنداردىڭ ايتۋىنشا, رەمال مەن حان يۋنيس اۋداندارى قارۋلى شابۋىلدارعا ۇشىراۋدا. ال گازا حالقى كەلٸسسٶزدەر تۋرالى حاباردى زور قۋانىشپەن قابىلداپ, قاتتى قۋانىستى. ولار سوعىستىڭ تەز اياقتالۋىنان ٷمٸتتٸ.
ترامپتىڭ جوسپارى اتىستى توقتاتۋدى, كەپٸلگە الىنعاندار مەن تۇتقىنداردى ايىرباستاۋدى, يزرايل ەسكەرلەرٸن اۋماقتان بٸرتٸندەپ شىعارۋدى, باسقارۋدى تەۋەلسٸز پالەستينا بيلٸگٸنە بەرۋدٸ جەنە گۋمانيتارلىق كٶمەكتٸ ارتتىرۋدى كٶزدەيدٸ.
4 قازاندا تاڭەرتەڭ حاماس بارلىق كەپٸلگە الىنعانداردى بوساتۋعا جەنە دونالد ترامپتىڭ جوسپارىنا سەيكەس گازا سەكتورىن باسقارۋداعى ٶزگەرٸسكە كەلٸستٸ.
