Qarjylyq monitoring agenttigi Qazaqstan Respýblikasynyń Bas prokýratýrasy úilestirýimen jáne «TELE2» uialy bailanys operatorynyń kiberqaýipsizdik mamandarynyń qatysýymen azamattardyń qupiia derekteri men aqshalai qarajatyn urlaý maqsatynda fishingtik habarlamalardy jappai taratýmen ainalysqan qylmystyq toptyń qyzmetin toqtatty, dep habarlaidy Dalanews.kz.
Aita ketý kerek, bul — TMD elderi aýmaǵynda osyndai shemanyń joly alǵash ret kesilgen jaǵdai.
Qaskóiler uialy bailanys operatorlarynyń bazalyq stantsiialarynyń jumysyn imitatsiialaityn arnaiy qurylǵy — SMS-blasterdi paidalanǵan. Atalǵan qurylǵy paidalanýshylarǵa jaqyn mańda, iaǵni 300 metr radiýsta kúshti signal taratyp, telefondardyń avtomatty túrde soǵan qosylyp, qorǵanysy álsiz jelige aýysýyna sebep bolǵan.
Nátijesinde abonentterdiń telefondaryna birden jalǵan SMS-habarlamalar kelip otyrǵan. Bul qurylǵy bailanys operatorlarynyń qorǵanysyn ainalyp ótip, saǵatyna 100 myńǵa deiin habarlama taratýǵa múmkindik bergen.
Aýqymdy keńeitý jáne jasyryn áreket etý maqsatynda jabdyq avtokólikterge ornatylyp, qozǵalys barysynda, negizinen adamdar kóp shoǵyrlanatyn oryndarda — bazarlarda jáne saýda-oiyn-saýyq ortalyqtarynyń mańynda paidalanylǵan.
Habarlamalar «Beeline» jáne «Halyk Bank» kompaniialary atynan jiberilgendei kórinip, jinalǵan bonýstardy aiyrbastaý usynylǵan. Siltemege ótken jaǵdaida paidalanýshylar fishingtik saittarǵa túsip, taýar tańdaǵannan keiin jeke derekterin, sonyń ishinde telefon nómirin, aty-jónin, bank kartasynyń derektemelerin, CVV-kodyn, sondai-aq SMS arqyly kelgen rastaý kodyn engizýge májbúr bolǵan.
Osylaisha, qaskóiler azamattardyń qupiia aqparaty men banktik qarajatyna qol jetkizgen.
Jedel-izdestirý is-sharalarynyń nátijesinde qylmystyq top shemany júzege asyrýdyń bastapqy kezeńinde anyqtalyp, ustaldy. Bul azamattardyń aýqymdy aldanýy men eleýli qarjylyq shyǵyndarynyń aldyn alýǵa múmkindik berdi.
Qazirgi ýaqytta tórt kúdikti ustalyp, qamaýǵa alyndy.
Tergeý jalǵasýda.
Osyǵan bailanysty Qarjylyq monitoring agenttigi azamattardy tsifrlyq qaýipsizdik sharalaryn saqtaýǵa shaqyrady: kúmándi siltemelerge ótpeý, tekserilmegen resýrstarda jeke jáne banktik derekterdi engizbeý, sondai-aq aqparatty tek resmi derekkózder arqyly tekserý qajet. Este ustaǵan jón, bank qyzmetkerleri men bailanys operatorlary SMS-habarlamalar nemese bógde siltemeler arqyly qupiia derekterdi suratpaidy.
