قارجىلىق مونيتورينگ اگەنتتٸگٸ قازاقستان رەسپۋبليكاسىنىڭ باس پروكۋراتۋراسى ٷيلەستٸرۋٸمەن جەنە «TELE2» ۇيالى بايلانىس وپەراتورىنىڭ كيبەرقاۋٸپسٸزدٸك ماماندارىنىڭ قاتىسۋىمەن ازاماتتاردىڭ قۇپييا دەرەكتەرٸ مەن اقشالاي قاراجاتىن ۇرلاۋ ماقساتىندا فيشينگتٸك حابارلامالاردى جاپپاي تاراتۋمەن اينالىسقان قىلمىستىق توپتىڭ قىزمەتٸن توقتاتتى, دەپ حابارلايدى Dalanews.kz.
ايتا كەتۋ كەرەك, بۇل — تمد ەلدەرٸ اۋماعىندا وسىنداي سحەمانىڭ جولى العاش رەت كەسٸلگەن جاعداي.
قاسكٶيلەر ۇيالى بايلانىس وپەراتورلارىنىڭ بازالىق ستانتسييالارىنىڭ جۇمىسىن يميتاتسييالايتىن ارنايى قۇرىلعى — SMS-بلاستەردٸ پايدالانعان. اتالعان قۇرىلعى پايدالانۋشىلارعا جاقىن ماڭدا, ياعني 300 مەتر راديۋستا كٷشتٸ سيگنال تاراتىپ, تەلەفونداردىڭ اۆتوماتتى تٷردە سوعان قوسىلىپ, قورعانىسى ەلسٸز جەلٸگە اۋىسۋىنا سەبەپ بولعان.
نەتيجەسٸندە ابونەنتتەردٸڭ تەلەفوندارىنا بٸردەن جالعان SMS-حابارلامالار كەلٸپ وتىرعان. بۇل قۇرىلعى بايلانىس وپەراتورلارىنىڭ قورعانىسىن اينالىپ ٶتٸپ, ساعاتىنا 100 مىڭعا دەيٸن حابارلاما تاراتۋعا مٷمكٸندٸك بەرگەن.
اۋقىمدى كەڭەيتۋ جەنە جاسىرىن ەرەكەت ەتۋ ماقساتىندا جابدىق اۆتوكٶلٸكتەرگە ورناتىلىپ, قوزعالىس بارىسىندا, نەگٸزٸنەن ادامدار كٶپ شوعىرلاناتىن ورىنداردا — بازارلاردا جەنە ساۋدا-ويىن-ساۋىق ورتالىقتارىنىڭ ماڭىندا پايدالانىلعان.
حابارلامالار «Beeline» جەنە «Halyk Bank» كومپانييالارى اتىنان جٸبەرٸلگەندەي كٶرٸنٸپ, جينالعان بونۋستاردى ايىرباستاۋ ۇسىنىلعان. سٸلتەمەگە ٶتكەن جاعدايدا پايدالانۋشىلار فيشينگتٸك سايتتارعا تٷسٸپ, تاۋار تاڭداعاننان كەيٸن جەكە دەرەكتەرٸن, سونىڭ ٸشٸندە تەلەفون نٶمٸرٸن, اتى-جٶنٸن, بانك كارتاسىنىڭ دەرەكتەمەلەرٸن, CVV-كودىن, سونداي-اق SMS ارقىلى كەلگەن راستاۋ كودىن ەنگٸزۋگە مەجبٷر بولعان.
وسىلايشا, قاسكٶيلەر ازاماتتاردىڭ قۇپييا اقپاراتى مەن بانكتٸك قاراجاتىنا قول جەتكٸزگەن.
جەدەل-ٸزدەستٸرۋ ٸس-شارالارىنىڭ نەتيجەسٸندە قىلمىستىق توپ سحەمانى جٷزەگە اسىرۋدىڭ باستاپقى كەزەڭٸندە انىقتالىپ, ۇستالدى. بۇل ازاماتتاردىڭ اۋقىمدى الدانۋى مەن ەلەۋلٸ قارجىلىق شىعىندارىنىڭ الدىن الۋعا مٷمكٸندٸك بەردٸ.
قازٸرگٸ ۋاقىتتا تٶرت كٷدٸكتٸ ۇستالىپ, قاماۋعا الىندى.
تەرگەۋ جالعاسۋدا.
وسىعان بايلانىستى قارجىلىق مونيتورينگ اگەنتتٸگٸ ازاماتتاردى تسيفرلىق قاۋٸپسٸزدٸك شارالارىن ساقتاۋعا شاقىرادى: كٷمەندٸ سٸلتەمەلەرگە ٶتپەۋ, تەكسەرٸلمەگەن رەسۋرستاردا جەكە جەنە بانكتٸك دەرەكتەردٸ ەنگٸزبەۋ, سونداي-اق اقپاراتتى تەك رەسمي دەرەككٶزدەر ارقىلى تەكسەرۋ قاجەت. ەستە ۇستاعان جٶن, بانك قىزمەتكەرلەرٸ مەن بايلانىس وپەراتورلارى SMS-حابارلامالار نەمەسە بٶگدە سٸلتەمەلەر ارقىلى قۇپييا دەرەكتەردٸ سۇراتپايدى.
