Qazaqstandyq polıseıler «Garant-24» JSHS basshysy Aslan Myrzabekovtyń izin ańdyp otyrǵan.
Ol 21 qańtarda ol Aqtóbeden Orynborǵa shyǵyp, odan ári Máskeýge ushyp, sol jerden poıyz arqyly Kıshınev qalasyna jol júrgen.
Qazaqstandyq taraptyń arnaıy suranysy boıynsha Murzabekovty moldavıalyq polıseıler qolǵa túsirgen.
Qazirgi ýaqytta ony Qazaqstanǵa ekstradısıalaý máselesi qarastyrylýda, tıisti materıaldar Moldova quzyretti organdaryna jiberiletin bolady.
Sonymen qatar, keshe Qazaqstan men Reseı shekarasynda «Vygodnyı zaım» JSHS quryltaıshysy Janbolat Esirkepov ustalyp, tergeý ızolátoryna qamaldy.
Osylaısha, búgingi kúni is boıynsha 16 kúdikti qamaýǵa alyndy, taǵy 9 lombardtaǵy basshy izdestirilýde.
Esterińizge sala keteıik, azamattardyń «Garant 24 Lombard», «ESTATE Lombard» jáne «Vygodnyı zaım» JSHS ıelerine qatysty ótinishteri boıynsha alaıaqtyq jáne qarjy pıramıdalaryn qurý faktilerine qatysty polısıa 22 qylmystyq isti tergeýde.
