قازاقستاندىق پوليسەيلەر «گارانت-24» ج ش س باسشىسى اسلان مىرزابەكوۆتىڭ ءىزىن اڭدىپ وتىرعان.
ول 21 قاڭتاردا ول اقتوبەدەن ورىنبورعا شىعىپ، ودان ءارى ماسكەۋگە ۇشىپ، سول جەردەن پويىز ارقىلى كيشينيەۆ قالاسىنا جول جۇرگەن.
قازاقستاندىق تاراپتىڭ ارنايى سۇرانىسى بويىنشا مۇرزابەكوۆتى مولداۆيالىق پوليسەيلەر قولعا تۇسىرگەن.
قازىرگى ۋاقىتتا ونى قازاقستانعا ەكستراديسيالاۋ ماسەلەسى قاراستىرىلۋدا، ءتيىستى ماتەريالدار مولدوۆا قۇزىرەتتى ورگاندارىنا جىبەرىلەتىن بولادى.
سونىمەن قاتار، كەشە قازاقستان مەن رەسەي شەكاراسىندا «ۆىگودنىي زايم» ج ش س قۇرىلتايشىسى جانبولات ەسىركەپوۆ ۇستالىپ، تەرگەۋ يزولياتورىنا قامالدى.
وسىلايشا، بۇگىنگى كۇنى ءىس بويىنشا 16 كۇدىكتى قاماۋعا الىندى، تاعى 9 لومباردتاعى باسشى ىزدەستىرىلۋدە.
ەستەرىڭىزگە سالا كەتەيىك، ازاماتتاردىڭ «گارانت 24 لومبارد»، «ESTATE لومبارد» جانە «ۆىگودنىي زايم» ج ش س يەلەرىنە قاتىستى وتىنىشتەرى بويىنشا الاياقتىق جانە قارجى پيراميدالارىن قۇرۋ فاكتىلەرىنە قاتىستى پوليسيا 22 قىلمىستىق ءىستى تەرگەۋدە.
