Qurmetti Almaty aýdanynyń turǵyndary!
Men Ablezov Mars Saparuly 1991 jyly 4 qyrkúiekte Jambyl oblysy, Sarysý aýdany, Baiqadam aýylynda ustazdar otbasynda dúniege keldim. Bilimim joǵary, Eýraziia gýmanitarlyq ýniversiteti men Reseilik PMPGÝ támamdadym. Eńbek jolymdy 2012 jyly Astana qalasy №40 mektepte bastaýysh synyp muǵalimi qyzmetinen bastadym, qazirgi tańda Ahmet Baitursynuly atyndaǵy Binom school mektep-litseiinde direktor qyzmetindemin. Jalpy ustazdyq eńbek ótilim 10 jyl. Otbasylyq jaǵdaiym – úilengenmin, 3 balanyń ákesimin.
№5 sailaý okrýgi boiynsha sailaýǵa túsý týraly sheshim kezdeisoq bolǵan joq: belgili bir ýaqyt ishinde men osy aýdannyń aýmaǵynda jumys isteimin jáne okrýgtiń máselelerimen tanyspyn.
Álbette, árqaisyńyzda meniń depýtattyqqa túsýimniń qandai sebebi bar degen suraq týyndaýy múmkin.
Sebebi, depýtatqa qoǵamdyq jumystar qosymsha júkteledi, oǵan qosa aqy tólenbeidi.
Birinshiden. Men sailaýǵa mandat úshin barmaimyn. Men úshin bul – qalalyq máslihattaǵy qoǵamdyq bastamalar aiasynda aýdan turǵyndarynyń laiyqty ókili bolýǵa múmkindik.
Ekinshiden. Bos sóz emes, naqty is kerek. Jurt talai jyldan beri qurǵaq sóz ben bos ýádeden sharshady. Halyqqa qur sóz emes, kózben kórip, qolmen ustaýǵa bolatyn oń ózgerister kerek.
Qadirli sailaýshylar!
Búgin men sizderge ózimniń ómirlik jáne kásibi tájiribeme súienip negizdelgen sailaýaldy baǵdarlamamdy usynamyn.
Aldaǵy bes jylǵa arnalǵan meniń sailaýaldy platformam tómendegidei naqty baǵyttar boiynsha máselelerdi sheshýge baǵyttalady:
- Sapaly bilim – el bolashaǵy;
- Áleýmet – halyq igiligi.
- SAPALY BILIM – EL BOLAShAǴY
Almaty aýdany turǵyndarynyń ózekti máseleleriniń biri – mekteptiń jetispeýshiligi. Sapaly bilimge qoljetkizýdiń birinshi alǵysharty bilim berý mekemelerin, mektepter sanyn kóbeitý. Ásirese aýdandaǵy úsh aýysymdyq mektepterdi azaitý.
Bul baǵytta meniń maqsatym:
– Aýdanymyzda "Jaily mektep" bilim berý salasyndaǵy pilottyq ulttyq joba sheńberinde zamanaýi talaptarǵa sai bilim oshaqtaryn salýǵa, eski mektepterdi kúrdeli jóndeýden ótkizýge, jańa oqý kabinetterin ashýǵa (transformatsiialaýǵa) yqpal jasaý.
- Bilim sapasyn kóterýde ustazdardyń kásibi biliktiligi úlken ról atqaratyndyǵy belgili. Sondyqtan da, «Almatylyq Ustazdar» jobasyn iske qosý. Bul joba aýdandaǵy muǵalimderdiń biliktilikterin kóterý maqsatynda arnaiy treningter men seminarlardy uiymdastyrýǵa baǵyttalady.
- ÁLEÝMET – HALYQ IGILIGI
Astana – tek qala ortalyǵyndaǵy aýdan turǵyndary úshin emes, barsha astanalyqtar úshin de jaily qala bolýǵa tiis. Bizdiń aýdan turǵyndary jaiaý serýendep, sportpen shuǵyldaný úshin qala ortalyǵyna baryp, sabylmaýy kerek. Barlyǵyna birdei qadamdyq qoljetimdilik tujyrymdamasyn ustaný qajet.
Bul baǵyttaǵy meniń maqsatym:
– Aýdan aýmaǵynda jańa qoǵamdyq keńistikter qurýǵa (saiabaq, skverler jáne t.b.);
– Ekologiialyq aktsiialardy júieli túrde uiymdastyrý arqyly aýdandaǵy jasyl jelekter aýdanyn úlkeitýge atsalysý.
Ol úshin men:
– Joǵaryda atalǵan máseleler boiynsha jergilikti biýdjetten qosymsha qarajat bólýge atsalysyp, jeke baqylaýyma alamyn.
Depýtat retinde men ashyqtyq pen adaldyq qaǵidatyn ustanýǵa, halyqty óz qyzmeti týraly jedel jáne senimdi túrde habardar etýge, sailaýshylardyń pikirine qyzyǵýshylyq tanytýǵa, barlyq suraqtarǵa jaýap berýge, problemalardy tiimdi sheshýge niettimin.
Okrýg turǵyndarynyń máselelerin sheshý - meniń birinshi kezektegi mindetim.
Qurmetpen, kandidattaryńyz Ablezov Mars Saparuly!
*Material aqysy Astana qalalyq Máslihatynyń depýtattyǵyna kandidat Ablezov Mars Saparulynyń respýblikalyq biýdjet esebinen tólendi
