Ispaniianyń Santa Sýsanna qalasynda Halyqaralyq sport basylymdary qaýymdastyǵynyń (AIPS) 86-shy kongresi ótti. Onyń aiasynda biyl kúzde Astanada ótetin 5-shi Dúniejúzilik kóshpendiler oiyndarynyń baǵdarlamasy tanystyryldy, dep habarlaidy Dalanews.kz.
Biyl ǵasyrlyq mereitoiyn atap ótetin, jýrnalister «sport basylymdary arasyndaǵy BUU-nyń Bas Assambleiasy» atap ketken AIPS kongresi jyl saiyn álem elderinde rotatsiialyq negizde ótkiziledi.
1924 jyly qurylǵan AIPS – sport taqyrybyna mamandanǵan jýrnalisterdiń halyqaralyq kásibi uiymy. Qazirgi ýaqytta 100-den astam elde 8000-ǵa jýyq múshesi bar.
86-shy AIPS kongresi aiasynda Qazaqstan delegatsiiasy 2024 jylǵy 8-13 qyrkúiek aralyǵynda Astanada ótetin 5-shi Dúniejúzilik kóshpendiler oiyndaryn tanystyrdy.
Qazaqstandyq delegatsiia Dúniejúzilik kóshpendiler oiyndarynyń basty missiiasy – álemdik etnosport qozǵalysyn damytý, jahandaný dáýirinde tarihi-mádeni murany jáne álem halyqtarynyń alýan túrliligin saqtaý, etnosport túrlerin, álem halyqtarynyń dástúrli oiyndary men saiystaryn halyqaralyq arenada nasihattaý, dinaralyq jáne mádenietaralyq dialogty, álem halyqtary arasyndaǵy ózara túsinistik, dostyq pen kelisimdi nyǵaitý ekenin túsindirdi.
Halyqaralyq sport basylymdary qaýymdastyǵynyń prezidenti Djovanni Merlonyń pikirinshe, «Astanada Dúniejúzilik kóshpendiler oiyndaryn ótkizý - Uly dalanyń ǵasyrlar boiǵy biregei mádenietimen tanysýǵa úlken múmkindik beredi.
«Biz ózindik kreativti stili bar, áleýeti zor Qazaqstandaǵy sport jýrnalistikasyn asqan qyzyǵýshylyqpen baqylap otyrmyz. Qazaqstan delegatsiiasy AIPS forýmdaryna belsendilikpen qatysyp, onyń barysynda óz bastamalaryn turaqty negizde usynyp keledi», - dep atap ótti Halyqaralyq sport basylymdary qaýymdastyǵy Aziia bólimshesiniń (AIPS ASIA) bas hatshysy Amdjad Málik.
«Forýmǵa qatysýshylar sý tasqynyna bailanysty elimizdiń birqatar mańyzdy halyqaralyq is-sharadan bas tartyp, biýdjet qarajatyn únemdeýine qaramastan, Qazaqstan áli de Dúniejúzilik kóshpendiler oiyndaryn ótkizýge daiyn ekenin quptady», - dep túiindedi Kongreste elimizdiń atynan sóilegen Halyqaralyq sport basylymdary qaýymdastyǵy Aziia bólimshesiniń (AIPS ASIA) atqarýshy komitetiniń múshesi Iliias Omarov.
Sondai-aq, AIPS Kongresi aiasynda «Sport Plus Qazakhstan» jańa telearnasynyń tusaýkeseri ótti. Sonymen qatar, qazaqstandyq delegatsiia ókilderi Qaýymdastyqtyń 100 jyldyǵy aiasynda tájiribe almasý maqsatynda Qazaqstanda jas tilshiler úshin (AIPS Young reports) halyqaralyq AIPS seminaryn uiymdastyrýǵa daiyn ekenin jetkizdi.
