Bas prokýratýra «QI-Trade Kazakhstan» qarjy piramidasynyń jetekshisin ekstraditsiialady, dep habarlaidy Dalanews.kz.
Qazaqstan Respýblikasynyń Bas prokýratýrasy Qyrǵyz Respýblikasynan transulttyq uiymdasqan qylmystyq toptyń quramynda qarjy piramidasyn qurǵany jáne basqarǵany úshin qylmystyq jaýaptylyqqa tartý maqsatynda Qazaqstan azamatyn ekstraditsiialady.
Atalǵan toptyń músheleri 2017-2020 jyldar aralyǵynda Qazaqstan aýmaǵynda «QI-Trade» qarjy piramidasyn uiymdastyryp, 4,7 myńnan astam salymshynyń jalpy somasy 15 milliard teńge qarajatyn zańsyz iemdengen.
Qylmystyq toptyń keibir músheleri sotpen ártúrli jazaǵa tartylǵan, al kúdikti qylmys jasaǵannan keiin boi tasalap, halyqaralyq izdeýge jariialandy.
Izdeýde bola tura, ol Qyrǵyzstanda kisi óltirý qylmysyn jasap, qyrǵyz sotymen sottaldy.
Qazaqstan Respýblikasy Bas prokýratýrasynyń suraýy boiynsha ol ýaqytsha ustap berildi, al qarjy piramidasyn qurǵany jáne basqarǵany úshin qylmystyq jaýaptylyqqa tartylǵannan keiin Qyrǵyz Respýblikasyna qaitarylatyn bolady.
Osylaisha, kórshi memleket aýmaǵynda jazasyn ótegennen keiin kúdiktini Qazaqstan aýmaǵynda jasaǵan qylmysy úshin jaza kútetin bolady.
Aiyptalǵan qylmystardy jasaǵany úshin múlki tárkilenip, 12 jylǵa deiingi merzimge bas bostandyǵynan aiyrý túrindegi jaza qarastyrylǵan.
Eske sala keteiik, buǵan deiin Bas prokýratýra osy qylmystyq toptyń eki múshesin Resei men Polshadan ekstraditsiialap, olar qazir ártúrli jyldarǵa bas bostandyǵynan aiyrýǵa sottalǵan.
