Qonaev qalasynda Almaty oblysynyń ákimi Marat Sultanǵaziev Qytaidyń YTO Express kompaniiasynyń ókilderimen kezdesý ótkizdi, dep habarlaidy Dalanews.kz
Sharaǵa kompaniianyń direktorlar keńesiniń tóraǵasy Iýi Veitsziao myrza jáne Qazaqstannyń logistika salasynyń ókilderi qatysty. Kezdesýdi ashqan óńir basshysy YTO Express kompaniiasymen áriptestik bailanystar ornaǵan sátten beri bul tórtinshi kezdesý ekenin atap ótti.
Aita keteiik, ótken jyldyń shilde aiynda Almaty oblysy delegatsiiasynyń Qytaiǵa resmi sapary barysynda taraptar alǵash ret kezdesip, kompaniianyń jobalarymen jáne usynystarymen tanysqan bolatyn. Kezdesý aiasynda taraptar Almaty oblysynda YTO Express kompaniiasynyń qatysýymen zamanaýi logistikalyq hab salý josparyn talqylady.
Bul joba elektrondyq kommertsiia taýarlaryn qabyldaý, óńdeý, saqtaý jáne jetkizý boiynsha óńirlik jáne ulttyq deńgeidegi logistikalyq áleýetti arttyrýǵa múmkindik beredi.
«Almaty oblysy kólik-logistika salasynda zor áleýetke ie. Biz osy salada infraqurylymdy damytyp, investitsiia tartýǵa nietti seriktesterge jan-jaqty qoldaý kórsetýge daiynbyz», – dedi óńir basshysy.
Óz kezeginde Iýi Veitsziao myrza kompaniia qyzmeti týraly tanystyrylym jasap, YTO Express-tiń Qazaqstandaǵy jobalary men damý josparlarymen bólisti. Onyń aitýynsha, Almaty oblysy kompaniianyń jahandyq logistikalyq jelisin damytý jolyndaǵy mańyzdy strategiialyq baǵyttardyń biri bolyp tabylady.
Kezdesý barysynda sonymen qatar, «Qazposhta» AQ jáne ózge de jergilikti seriktestermen birlesken jobalardy iske asyrý máseleleri de talqylandy. Taraptar Qazaqstannyń óńirlik logistikalyq hab retinde damýyna ózara yntymaqtastyqtyń oń yqpal etetinine senim bildirdi.
