Parlament Senatynyń Tóraǵasy Máýlen Áshimbaev bastaǵan AES salýdy qoldaý jónindegi halyq shtabynyń músheleri Jetisý oblysyna kelip, óńir jurtshylyǵymen aldaǵy referendýmǵa qatysty ózekti máselelerdi jáne energetika salasyn damytý perspektivalaryn talqylady, dep habarlaidy Dalanews.kz.
Sapar barysynda depýtattar sarapshylarmen jáne qoǵam qairatkerlerimen birge oblystaǵy óndiristik kásiporyndardyń eńbek ujymdarymen, sondai-aq belsendi jastarmen kezdesti.
"Búginde halyqtyń tutyný qajettiligin ótep otyrǵan kómir elektr stansalarynyń jaǵdaiy syn kótermeidi, basym bóligi ábden tozǵan. Qazirdiń ózinde elimizde energiia tapshylyǵy oryn alyp, senimdi jáne taza qýat kózderiniń qajettiligi artyp otyr. Prezidentimiz Qasym-Jomart Kemeluly Toqaev halyqqa Joldaýynda osy túitkilge erekshe toqtaldy. Shyn máninde, bul rette atom energiiasynyń áleýeti zor. Qazir ol búkil álemde belsendi qoldanylyp keledi. AES-tiń kómir stansalarynan aitarlyqtai aiyrmashylyǵy bar. Ol aýany jáne qorshaǵan ortany kómirqyshqyl gazdarymen, kúlmen nemese quramynda munai ónimderi bar ziiandy qaldyqtarmen lastamaidy. Bul – tabiǵatqa ziian keltirmei-aq ekonomikamyzdyń qarqyndy damýyna yqpal etetin taza jáne turaqty energiia kózi", – dedi Máýlen Áshimbaev.
Sonymen qatar Shtab músheleri aqparattyq jumys aiasynda "Aisulý" tigin fabrikasynyń jáne "Temirbeton" kásipornynyń qyzmetkerlerimen kezdesti. Is-sharalar kezinde eńbek ujymdary óz pikirlerin bildirip, elimizde AES salýdy qoldaityndaryn jetkizdi.
Óńir jurtshylyǵymen jáne belsendi jastarmen kezdesýde Máýlen Áshimbaev qazirgi atom elektr stansalary senimdi, adam ómirine qaýipsiz, eń ozyq jáne tekserilgen tehnologiialar negizinde salynatynyn atap ótti. Sondai-aq Senat Tóraǵasy AES-tiń jumysy men ony paidalaný kezeńinde halyqaralyq saraptamalyq uiymdar tarapynan senimdi baqylaýǵa kepildik berilgenine toqtalyp, azamattardy el igiligi úshin referendýmǵa belsendi qatysýǵa shaqyrdy.
"Ekonomikanyń uzaq merzimdi múddelerine jáne qajettilikterdiń jedel artýyna bailanysty AES salý máselesi strategiialyq sipatta ie ekenin kórip otyrmyz. Sondyqtan halyqtyń bul máselege qoldaý bildirýi elimizdiń damýy jolynda asa mańyzdy. Atom elektr stansasyn salý kezindegi negizgi basymdyq adamdardyń qaýipsizdigi ekeni anyq. Sol sebepti, qazaqstandyqtar qoldap daýys berse, AES eń joǵary halyqaralyq standarttarǵa sáikes salynady. Jobany iske asyrý kezinde tabiǵi apattar men basqa da yqtimal syn-qaterlerdiń aldyn alýǵa qajetti sharalar mindetti túrde eskeriledi. Stansanyń qaýipsiz jumysyn MAGATE men basqa da halyqaralyq uiymdar muqiiat qadaǵalaidy", – dedi Máýlen Áshimbaev.
