پارلامەنت سەناتىنىڭ تٶراعاسى مەۋلەن ەشٸمباەۆ باستاعان اەس سالۋدى قولداۋ جٶنٸندەگٸ حالىق شتابىنىڭ مٷشەلەرٸ جەتٸسۋ وبلىسىنا كەلٸپ, ٶڭٸر جۇرتشىلىعىمەن الداعى رەفەرەندۋمعا قاتىستى ٶزەكتٸ مەسەلەلەردٸ جەنە ەنەرگەتيكا سالاسىن دامىتۋ پەرسپەكتيۆالارىن تالقىلادى, دەپ حابارلايدى Dalanews.kz.
ساپار بارىسىندا دەپۋتاتتار ساراپشىلارمەن جەنە قوعام قايراتكەرلەرٸمەن بٸرگە وبلىستاعى ٶندٸرٸستٸك كەسٸپورىنداردىڭ ەڭبەك ۇجىمدارىمەن, سونداي-اق بەلسەندٸ جاستارمەن كەزدەستٸ.
"بٷگٸندە حالىقتىڭ تۇتىنۋ قاجەتتٸلٸگٸن ٶتەپ وتىرعان كٶمٸر ەلەكتر ستانسالارىنىڭ جاعدايى سىن كٶتەرمەيدٸ, باسىم بٶلٸگٸ ەبدەن توزعان. قازٸردٸڭ ٶزٸندە ەلٸمٸزدە ەنەرگييا تاپشىلىعى ورىن الىپ, سەنٸمدٸ جەنە تازا قۋات كٶزدەرٸنٸڭ قاجەتتٸلٸگٸ ارتىپ وتىر. پرەزيدەنتٸمٸز قاسىم-جومارت كەمەلۇلى توقاەۆ حالىققا جولداۋىندا وسى تٷيتكٸلگە ەرەكشە توقتالدى. شىن مەنٸندە, بۇل رەتتە اتوم ەنەرگيياسىنىڭ ەلەۋەتٸ زور. قازٸر ول بٷكٸل ەلەمدە بەلسەندٸ قولدانىلىپ كەلەدٸ. اەس-تٸڭ كٶمٸر ستانسالارىنان ايتارلىقتاي ايىرماشىلىعى بار. ول اۋانى جەنە قورشاعان ورتانى كٶمٸرقىشقىل گازدارىمەن, كٷلمەن نەمەسە قۇرامىندا مۇناي ٶنٸمدەرٸ بار زيياندى قالدىقتارمەن لاستامايدى. بۇل – تابيعاتقا زييان كەلتٸرمەي-اق ەكونوميكامىزدىڭ قارقىندى دامۋىنا ىقپال ەتەتٸن تازا جەنە تۇراقتى ەنەرگييا كٶزٸ", – دەدٸ مەۋلەن ەشٸمباەۆ.
سونىمەن قاتار شتاب مٷشەلەرٸ اقپاراتتىق جۇمىس اياسىندا "ايسۇلۋ" تٸگٸن فابريكاسىنىڭ جەنە "تەمٸربەتون" كەسٸپورنىنىڭ قىزمەتكەرلەرٸمەن كەزدەستٸ. ٸس-شارالار كەزٸندە ەڭبەك ۇجىمدارى ٶز پٸكٸرلەرٸن بٸلدٸرٸپ, ەلٸمٸزدە اەس سالۋدى قولدايتىندارىن جەتكٸزدٸ.
ٶڭٸر جۇرتشىلىعىمەن جەنە بەلسەندٸ جاستارمەن كەزدەسۋدە مەۋلەن ەشٸمباەۆ قازٸرگٸ اتوم ەلەكتر ستانسالارى سەنٸمدٸ, ادام ٶمٸرٸنە قاۋٸپسٸز, ەڭ وزىق جەنە تەكسەرٸلگەن تەحنولوگييالار نەگٸزٸندە سالىناتىنىن اتاپ ٶتتٸ. سونداي-اق سەنات تٶراعاسى اەس-تٸڭ جۇمىسى مەن ونى پايدالانۋ كەزەڭٸندە حالىقارالىق ساراپتامالىق ۇيىمدار تاراپىنان سەنٸمدٸ باقىلاۋعا كەپٸلدٸك بەرٸلگەنٸنە توقتالىپ, ازاماتتاردى ەل يگٸلٸگٸ ٷشٸن رەفەرەندۋمعا بەلسەندٸ قاتىسۋعا شاقىردى.
"ەكونوميكانىڭ ۇزاق مەرزٸمدٸ مٷددەلەرٸنە جەنە قاجەتتٸلٸكتەردٸڭ جەدەل ارتۋىنا بايلانىستى اەس سالۋ مەسەلەسٸ ستراتەگييالىق سيپاتتا يە ەكەنٸن كٶرٸپ وتىرمىز. سوندىقتان حالىقتىڭ بۇل مەسەلەگە قولداۋ بٸلدٸرۋٸ ەلٸمٸزدٸڭ دامۋى جولىندا اسا ماڭىزدى. اتوم ەلەكتر ستانساسىن سالۋ كەزٸندەگٸ نەگٸزگٸ باسىمدىق ادامداردىڭ قاۋٸپسٸزدٸگٸ ەكەنٸ انىق. سول سەبەپتٸ, قازاقستاندىقتار قولداپ داۋىس بەرسە, اەس ەڭ جوعارى حالىقارالىق ستاندارتتارعا سەيكەس سالىنادى. جوبانى ٸسكە اسىرۋ كەزٸندە تابيعي اپاتتار مەن باسقا دا ىقتيمال سىن-قاتەرلەردٸڭ الدىن الۋعا قاجەتتٸ شارالار مٸندەتتٸ تٷردە ەسكەرٸلەدٸ. ستانسانىڭ قاۋٸپسٸز جۇمىسىن ماگاتە مەن باسقا دا حالىقارالىق ۇيىمدار مۇقييات قاداعالايدى", – دەدٸ مەۋلەن ەشٸمباەۆ.
