2022-2024 jyldary Almaty turǵyndarynyń ótinishi boiynsha jalpy somasy 39,1 mlrd teńgege 938 joba iske asyryldy. Bul týraly Ortalyq kommýnikatsiialar qyzmetinde ótken brifingte qala ákimi Erbolat Dosaev málimdedi, dep habarlaidy Dalanews.kz.
Onyń aitýynsha, bul jobalardyń barlyǵy qala turǵyndary belsendi qatysyp, qalany jaqsartý úshin óz ideialaryn usynatyn «Halyq qatysatyn biýdjet» baǵdarlamasy boiynsha júzege asyrylǵan.
«Biz HQB aiasynda jobalardy iske asyrýǵa jyl saiynǵy limitti 17 mlrd teńge deńgeiinde belgiledik. Sondai - aq, buryn iske asyrylǵan HQB jobalaryn ustaý úshin birinshi ret ár aýdanǵa 200 mln teńgege deiin qarajat bólinýde», - dedi Erbolat Dosaev.
Baǵdarlama aiasynda qalanyń qaraýsyz qalǵan aýmaqtarynan jańa jaiaý júrginshiler jáne jaǵalaý aimaqtary, skverler, balalar alańdary men abattandyrylǵan aýlalar jasalýda.
Esterińizge sala keteiik, 2022 jyldan bastap «Halyq qatysatyn biýdjet» baǵdarlamasyn qarjylandyrý 2,6 esege ulǵaidy, berilgen jobalar sany 5,7 esege ósti, bul azamattardyń belsendi qatysýyn jáne baǵdarlamany qalany damytý quraly retinde tiimdiligin kórsetedi.
2024 jyly «Halyq qatysatyn biýdjet» aiasynda aýdan ákimdikteri 364 jobany iske asyrdy. Kelesi jyly Almatyda 17 mlrd teńgege abattandyrý boiynsha 300-den astam jobany iske asyrý josparlanǵan. Jobalardyń basym bóligi Alataý (50) jáne Almaly (45) aýdandarynda iske asyrylatyn bolady. Iske asyrýǵa ruqsat etilgen jobalar tizimimen budget.open-almaty.kz. saitynda tanysýǵa bolady.
