"Halyqtyń tabysyn arttyryp, tabys arasyndaǵy alshaqtyqty azaitý kerek. Ókinishke orai, sońǵy ýaqytta halyqtyń tabysy ekonomikanyń jaqsarýy esebinen emes, áleýmettik aýdarymdar esebinen artty. Áleýmettik járdemaqy men zeinetaqymen ǵana kún kórip otyrǵandar kóp", – deidi Toqaev.
Memleket basshysynyń aitýynsha, sońǵy bes jylda halyqtyń jalpy tabysyndaǵy eńbek tabysynyń úlesi 80 paiyzdan 67 paiyzǵa deiin tómendegen. Al áleýmettik aýdarymdar 17-den 29 paiyzǵa deiin ósti. Osy derekterge súiene otyryp, memleket basshysy halyqtyń kirisi alatyn jalaqyǵa emes, biýdjettiń jumsalýyna bailanysty degen qorytyndyǵa keldi.
"Qaryzǵa batqandar men kedeilerdiń úlesi artyp keledi. Búginde 1 millionǵa jýyq halyqtyń tabysy eń tómengi kúnkóris deńgeiine de jetpeidi. Bul sońǵy on jyldaǵy eń nashar kórsetkish. Osyǵan qaramastan, úkimet ortasha jalaqynyń ósip jatqanyn habarlaidy. Bul - kózboiaýshylyq", – dedi Memleket basshysy.
Aita ketelik, eks-prezident Nazarbaev osydan birneshe jyl BAQ-pen kezdesýinde qoljetimdi turǵyn úi týraly suraqqa jaýap bere otyryp, Qazaqstanda otbasynyń ortasha tabysy 500 myń teńge ekenin málimdegen.
https://dalanews.kz/del-qazir/58258-kuvejt-ajda-aza-standa-zh-mysy-bar
