"حالىقتىڭ تابىسىن ارتتىرىپ، تابىس اراسىنداعى الشاقتىقتى ازايتۋ كەرەك. وكىنىشكە وراي، سوڭعى ۋاقىتتا حالىقتىڭ تابىسى ەكونوميكانىڭ جاقسارۋى ەسەبىنەن ەمەس، الەۋمەتتىك اۋدارىمدار ەسەبىنەن ارتتى. الەۋمەتتىك جاردەماقى مەن زەينەتاقىمەن عانا كۇن كورىپ وتىرعاندار كوپ"، – دەيدى توقايەۆ.
مەملەكەت باسشىسىنىڭ ايتۋىنشا، سوڭعى بەس جىلدا حالىقتىڭ جالپى تابىسىنداعى ەڭبەك تابىسىنىڭ ۇلەسى 80 پايىزدان 67 پايىزعا دەيىن تومەندەگەن. ال الەۋمەتتىك اۋدارىمدار 17-دەن 29 پايىزعا دەيىن ءوستى. وسى دەرەكتەرگە سۇيەنە وتىرىپ، مەملەكەت باسشىسى حالىقتىڭ كىرىسى الاتىن جالاقىعا ەمەس، بيۋدجەتتىڭ جۇمسالۋىنا بايلانىستى دەگەن قورىتىندىعا كەلدى.
"قارىزعا باتقاندار مەن كەدەيلەردىڭ ۇلەسى ارتىپ كەلەدى. بۇگىندە 1 ميلليونعا جۋىق حالىقتىڭ تابىسى ەڭ تومەنگى كۇنكورىس دەڭگەيىنە دە جەتپەيدى. بۇل سوڭعى ون جىلداعى ەڭ ناشار كورسەتكىش. وسىعان قاراماستان، ۇكىمەت ورتاشا جالاقىنىڭ ءوسىپ جاتقانىن حابارلايدى. بۇل - كوزبوياۋشىلىق"، – دەدى مەملەكەت باسشىسى.
ايتا كەتەلىك، ەكس-پرەزيدەنت نازاربايەۆ وسىدان بىرنەشە جىل باق-پەن كەزدەسۋىندە قولجەتىمدى تۇرعىن ءۇي تۋرالى سۇراققا جاۋاپ بەرە وتىرىپ، قازاقستاندا وتباسىنىڭ ورتاشا تابىسى 500 مىڭ تەڭگە ەكەنىن مالىمدەگەن.
https://dalanews.kz/del-qazir/58258-kuvejt-ajda-aza-standa-zh-mysy-bar
