Wildberries kompaniiasy qoimalarǵa jasalǵan shabýyldan keiin taýarlary búlingen qazaqstandyq satýshylarǵa ótemaqy tólenetinin habarlady. Bul másele «Atameken» ulttyq kásipkerler palatasynyń basshylyǵy men Wildberries ókilderi arasyndaǵy kezdesýde qaralǵan, dep habarlaidy dalanews.kz.
Kompaniia ókilderiniń aitýynsha, jaǵdaidy jedel retteý úshin arnaiy jumys shtaby qurylǵan.
«Qazaqstan biz úshin strategiialyq mańyzdy naryqtardyń biri bolyp qala beredi. Logistikalyq ortalyqtarda taýarlary zardap shekken qazaqstandyq satýshylardyń barlyǵyna qajetti qoldaý kórsetilip, ótemaqy tolyq kólemde tólenedi», – dedi Wildberries ókilderi.
Sonymen qatar kompaniia ótemaqy tóleý jáne ózge de qoldaý sharalary keltirilgen shyǵyn kólemi naqtylanyp, barlyq málimet óńdelgen saiyn kezeń-kezeńimen júzege asyrylatynyn málimdedi.
Eske salaiyq, buǵan deiin qazaqstandyq saiasattanýshy Talǵat Qaliev Reseidegi Wildberries marketpleisiniń qoimalaryna jasalǵan shabýyldardyń saldary Qazaqstan ekonomikasyna da janama túrde áser etýi múmkin ekenin málimdegen bolatyn.
