Wildberries كومپانيياسى قويمالارعا جاسالعان شابۋىلدان كەيٸن تاۋارلارى بٷلٸنگەن قازاقستاندىق ساتۋشىلارعا ٶتەماقى تٶلەنەتٸنٸن حابارلادى. بۇل مەسەلە «اتامەكەن» ۇلتتىق كەسٸپكەرلەر پالاتاسىنىڭ باسشىلىعى مەن Wildberries ٶكٸلدەرٸ اراسىنداعى كەزدەسۋدە قارالعان, دەپ حابارلايدى dalanews.kz.
كومپانييا ٶكٸلدەرٸنٸڭ ايتۋىنشا, جاعدايدى جەدەل رەتتەۋ ٷشٸن ارنايى جۇمىس شتابى قۇرىلعان.
«قازاقستان بٸز ٷشٸن ستراتەگييالىق ماڭىزدى نارىقتاردىڭ بٸرٸ بولىپ قالا بەرەدٸ. لوگيستيكالىق ورتالىقتاردا تاۋارلارى زارداپ شەككەن قازاقستاندىق ساتۋشىلاردىڭ بارلىعىنا قاجەتتٸ قولداۋ كٶرسەتٸلٸپ, ٶتەماقى تولىق كٶلەمدە تٶلەنەدٸ», – دەدٸ Wildberries ٶكٸلدەرٸ.
سونىمەن قاتار كومپانييا ٶتەماقى تٶلەۋ جەنە ٶزگە دە قولداۋ شارالارى كەلتٸرٸلگەن شىعىن كٶلەمٸ ناقتىلانىپ, بارلىق مەلٸمەت ٶڭدەلگەن سايىن كەزەڭ-كەزەڭٸمەن جٷزەگە اسىرىلاتىنىن مەلٸمدەدٸ.
ەسكە سالايىق, بۇعان دەيٸن قازاقستاندىق ساياساتتانۋشى تالعات قاليەۆ رەسەيدەگٸ Wildberries ماركەتپلەيسٸنٸڭ قويمالارىنا جاسالعان شابۋىلداردىڭ سالدارى قازاقستان ەكونوميكاسىنا دا جاناما تٷردە ەسەر ەتۋٸ مٷمكٸن ەكەنٸن مەلٸمدەگەن بولاتىن.
