Qarjy vitse-ministri Erjan Birjanov internette taraǵan, 1 mln teńgeden asqan kez kelgen mobildi aýdarym jeke kásipker retinde tirkelýge mindetteidi degen aqparatty joqqa shyǵardy. Onyń aitýynsha, bul málimet shyndyqqa sáikes kelmeidi, dep habarlaidy Dalanews.kz.
Vitse-ministrdiń sózinshe, atalǵan aqparatty birqatar internet-resýrstar taratqan, alaida ol feik jańalyq bolyp shyqqan.
"Keshe 1 mln teńgeden asqan aýdarymdar boiynsha mindetti túrde JK tirkelý kerek degen jańalyq shyqty. Bul jalǵan aqparat", - dedi Erjan Birjanov.
Sonymen qatar ol internet-resýrstar men blogerlerge jalǵan málimet taratqany úshin zańda jaýapkershilik qarastyrylǵanyn eskertti. Vitse-ministrdiń aitýynsha, bul jańalyq qoǵamda keń talqylanyp, negizsiz alańdaýshylyq týdyrǵan.
"Aqparatty jariialar aldynda muqiiat tekserý qajet. Biz resmi arnalarymyzda durys málimetti birneshe ret jariialadyq", - dedi ol.
Erjan Birjanov Qarjy ministrligi mundai feik jariialanymdardy baqylap otyrǵanyn, al jinalǵan materialdar quqyq qorǵaý organdaryna joldanatynyn aitty. Ministrlik ókilderi azamattardy tek resmi derekkózderge senýge shaqyrdy.
