«Qazaqmys» kompaniiasynyń burynǵy iesi Vladimir Kim ondaǵan milliard teńgege baǵalanatyn aktivteri bar «Naýryz» korporatsiiasy» JShS-niń tikelei menshik iesi atandy. Bul týraly «Vyhod k moriý» Telegram-arnasy jazdy, dep habarlaidy Dalanews.kz.
Buǵan deiin Kim kompaniiany Niderlandta tirkelgen Noord Holland Trading jáne Lihtenshteindegi ofshorlyq Woodbridge Foundation arqyly baqylap kelgen. Aqparatqa sáikes, menshik qurylymynyń ózgerýi byltyrǵy jeltoqsan aiynda júzege asqan.
Almaty mańyndaǵy qymbat jerler
«Naýryz» korporatsiiasy jáne onyń enshiles uiymy - «Almaly» korporatsiiasy Almaty qalasynyń taý bókterindegi iri jer telimderine ielik etedi. Bul aktivterdiń jalpy quny 50 mlrd teńgeden asady.
Atap aitqanda, kompaniialar burynǵy Nazarbaev rezidentsiiasy ornalasqan aýmaqtaǵy 50 gektar jerge ie.
Shishkin_like redaktsiiasynyń málimetinshe, «Naýryzdyń» balansynda birqatar zańdyq jáne jekeshelendirý rásimderi nátijesinde, jeńildetilgen sharttarmen alynǵan Prezident is basqarmasy men Úkimettiń burynǵy sharýashylyq basqarmasyna tiesili memlekettik aktivter bolǵan. Keiin bul múliktiń bir bóligi Qairat Satybaldyǵa qarasty qurylymdardyń ieligine ótken.
Bailanys endi resmi rastaldy
Aktivterdiń Vladimir Kimniń tikelei baqylaýyna ótýi onyń korporatsiiamen bailanysyn resmi túrde rastady. Buǵan deiin bul bailanys tek janama derekter arqyly belgili bolǵan.
«Naýryzdyń» burynǵy ieleri qatarynda bolǵan Noord Holland Trading kompaniiasy men Lihtenshteindik Woodbridge Foundation Kimniń qarjylyq operatsiialaryna paidalanylǵan. Máselen, dál osy qurylymdar arqyly Almatydaǵy «Alataý» shipajaiy (qazirgi Swissotel Wellness Resort) 50 mln dollarǵa satylǵan. Bul soma nysannyń naryqtaǵy baǵasynan edáýir tómen bolǵan.
Memleketten qorǵaý ma, álde satýǵa daiyndyq pa?
Sarapshylar «Naýryz» korporatsiiasyndaǵy menshik qurylymynyń ózgerýin elitalyq aýdandardaǵy jyljymaityn múlikti memleket paidasyna alyp qoiýdan qorǵaý áreketimen bailanystyrýy múmkin ekenin aitady.
Ótken jyly sot sheshimimen «Almaly» korporatsiiasynan 72 gektar jer telimi memleketke qaitarylǵan. Bul rette sheteldik zańdy tulǵalarǵa shekara mańyndaǵy aýyl sharýashylyǵy maqsatyndaǵy jerlerdi ielenýge tyiym salynǵany negizge alynǵan.
Sonymen qatar, menshik iesiniń aýysýy aktivterdi bolashaqta satý josparymen de bailanysty bolýy múmkin. Mundai shema buǵan deiin «Qazaqmysty» Nurlan Artyqbaevqa satar aldynda qoldanylǵany atap ótiledi.
