Vetnamdyq kompaniia Qyzylorda oblysyndaǵy áýejaidy óz basqarýyna alatyn boldy. Bul týraly Senattan keiingi talqylaýdan soń ótkizilgen arnaiy brifing barysynda QR Syrtqy ister vitse-ministri Álibek Baqaev málim etti, dep habarlaidy Dalanews.kz.
Buǵan deiin Ulttyq ekonomika ministri Serik Jumanǵarin vetnamdyq Sovico Group kompaniiasy Qazaqstanda áýejai satyp alý nemese ony basqarý quqyǵy múmkindigine ie bolýdy qarastyryp jatqanyn aitqan edi. Alaida, Baqaev, bul arada bútindei satyp alý máselesi qozǵalmaǵanyn naqtylady.
"Biz tehnologiialyq ári ákimshilik turǵydan elimizdegi qyzmetterdi (nysandardy) jaqsartýǵa at salysýy úshin ozyq kompaniialardy tartamyz. Vetnam tarapymen kelissózder júrgizilýde, biraq bul arada atalǵan servispen bailanysty máselelerdi sheship, jumystardy jaqsartý úshin áýejaidy ýaqytsha basqarýǵa berý týraly sóz bolyp otyr. Iaǵni, áýejaidy túbegeili satyp alǵaly jatqan joq. Biz strategiialyq nysandardy satpaimyz", - dedi Baqaev brifing barysynda.
Sondai-aq ol sheteldik kompaniia Qyzylorda oblysyndaǵy áýejaidy jaqyn kúnderi basqarýyna alýy múmkin ekenin de jetkizdi.
Jalpy, bul usynys kezdeisoqtyq emes, vetnamdyq SOVICO Group Qazaq Air áýe kompaniiasyn satyp alý boiynsha Qazaqstanmen uzaq ýaqyt kelissózder júrgizgen. Mine, keshe osyndai "saqaldy" kelissózderden keiin naqty iske kóshetin kezeń kelgeni qazaq-vetnam iskerlik jiynynda belgili boldy. Aldymen Serik Jumanǵarin vetnamdyq Sovico Group kompaniiasy Qazaqstanda áýejai satyp alý nemese ony basqarý quqyǵy múmkindigine ie bolýdy qarastyryp jatqanyn aitty. Odan keiin Qazaq Air ataýy VietJet Kazakhstan bolyp ózgeretini belgili boldy.
"Otandyq áýe kompaniiany satyp alýshy - SOVICO Group. Kelissózdiń basym bóligi oryndaldy, aqysy tólendi, aktsiialar investorlar qolyna ótti... Sonymen qatar SOVICO Group pen VietJet Air-dyń Qazaq Air-ǵa VietJet Kazakhstan jańa brendin berý bastamasyn joǵary baǵalaimyz. Óńirdegi tasymal júiesin keńeitý tasymal bailanysyn nyǵaityp qana qoimai, ekonomikalyq ósim úshin jańa kózdi ashýmen teń bolmaq. Biz burynǵydan da bir-birimizge jaqyn bola tústik", – dedi "Samuryq-Qazyna" AQ Basqarmasynyń tóraǵasy Nurlan Jaqypov qazaq-vetnam iskerleri jiynynda.
Qazaq Air-degi úlesti vetnamdyq investor Sovico Group-qa satý boiynsha mámile sharttaryn anyqtaý boiynsha negizgi kelissózder 2024 jyldyń aiaǵynda aiaqtaldy. Ekonomikany jańǵyrtý jónindegi memlekettik komissiia 2024 jylǵy 20 jeltoqsandaǵy otyrysta negizgi sharttardy maquldady. 2024 jyly 23 jeltoqsanda Úkimet saǵatynda
"Samuryq-Qazyna" UÁQ Strategiia jáne aktivterdi basqarý jónindegi birlesken basqarýshy direktory Eljas Otynshiev investorǵa eki talap qoiylyp otyrǵanyn eske saldy. Birinshisi — 2044 jyldyń sońyna deiin 38,4 mlrd teńge mólsherindegi qaryzdy óteý, ekinshisi - investordyń osy merzimdi eki jylǵa uzartý múmkindigin qarastyra otyryp, bes jyl ishinde Boeing nemese Airbus-tyń 20 ushaǵyn satyp alýy.
Aita ketsek, Qazaq Air 2023 jyly satylymǵa qoiyldy: 18 tamyzda "Samuryq-Qazyna" AQ qoryna tiesili aviakompaniianyń 49%-dan 100%-ǵa deiingi aktsiialaryn satýǵa arnalǵan ashyq eki kezeńdik konkýrstyń bastalǵany habarlandy. Aktsiialardyń bastapqy ári eń tómengi baǵasy 10,2 mlrd teńge bolyp belgilendi. Aktivti birden satý múmkin bolmady. 2023 jyldyń 13 qarashasynda jariialanǵan konkýrs ótkizilmedi dep tanyldy. 2024 jyldyń qańtarynda "Samuryq-Qazyna" qaita konkýrs jariialady, alaida ekinshisi de sátsiz boldy. Qazaq Air-dy satyp alatyn investordyń tabylǵany 2024 jylǵy 23 mamyrda belgili boldy: Qazaqstan prezidenti Qasym-Jomart Toqaev Singapýrdaǵy biznes-forýmda sóilegen sózinde vetnamdyq Sovico Group áýe kompaniiasynyń usynysyn qoldap, pikir bildirdi. Biraq bul kelissózdiń ózi de bir jylǵa sozyldy.
