ۆەتنامدىق كومپانييا قىزىلوردا وبلىسىنداعى ەۋەجايدى ٶز باسقارۋىنا الاتىن بولدى. بۇل تۋرالى سەناتتان كەيٸنگٸ تالقىلاۋدان سوڭ ٶتكٸزٸلگەن ارنايى بريفينگ بارىسىندا قر سىرتقى ٸستەر ۆيتسە-مينيسترٸ ەلٸبەك باقاەۆ مەلٸم ەتتٸ, دەپ حابارلايدى Dalanews.kz.
بۇعان دەيٸن ۇلتتىق ەكونوميكا مينيسترٸ سەرٸك جۇمانعارين ۆەتنامدىق Sovico Group كومپانيياسى قازاقستاندا ەۋەجاي ساتىپ الۋ نەمەسە ونى باسقارۋ قۇقىعى مٷمكٸندٸگٸنە يە بولۋدى قاراستىرىپ جاتقانىن ايتقان ەدٸ. الايدا, باقاەۆ, بۇل ارادا بٷتٸندەي ساتىپ الۋ مەسەلەسٸ قوزعالماعانىن ناقتىلادى.
"بٸز تەحنولوگييالىق ەرٸ ەكٸمشٸلٸك تۇرعىدان ەلٸمٸزدەگٸ قىزمەتتەردٸ (نىسانداردى) جاقسارتۋعا ات سالىسۋى ٷشٸن وزىق كومپانييالاردى تارتامىز. ۆەتنام تاراپىمەن كەلٸسسٶزدەر جٷرگٸزٸلۋدە, بٸراق بۇل ارادا اتالعان سەرۆيسپەن بايلانىستى مەسەلەلەردٸ شەشٸپ, جۇمىستاردى جاقسارتۋ ٷشٸن ەۋەجايدى ۋاقىتشا باسقارۋعا بەرۋ تۋرالى سٶز بولىپ وتىر. ياعني, ەۋەجايدى تٷبەگەيلٸ ساتىپ العالى جاتقان جوق. بٸز ستراتەگييالىق نىسانداردى ساتپايمىز", - دەدٸ باقاەۆ بريفينگ بارىسىندا.
سونداي-اق ول شەتەلدٸك كومپانييا قىزىلوردا وبلىسىنداعى ەۋەجايدى جاقىن كٷندەرٸ باسقارۋىنا الۋى مٷمكٸن ەكەنٸن دە جەتكٸزدٸ.
جالپى, بۇل ۇسىنىس كەزدەيسوقتىق ەمەس, ۆەتنامدىق SOVICO Group Qazaq Air ەۋە كومپانيياسىن ساتىپ الۋ بويىنشا قازاقستانمەن ۇزاق ۋاقىت كەلٸسسٶزدەر جٷرگٸزگەن. مٸنە, كەشە وسىنداي "ساقالدى" كەلٸسسٶزدەردەن كەيٸن ناقتى ٸسكە كٶشەتٸن كەزەڭ كەلگەنٸ قازاق-ۆەتنام ٸسكەرلٸك جيىنىندا بەلگٸلٸ بولدى. الدىمەن سەرٸك جۇمانعارين ۆەتنامدىق Sovico Group كومپانيياسى قازاقستاندا ەۋەجاي ساتىپ الۋ نەمەسە ونى باسقارۋ قۇقىعى مٷمكٸندٸگٸنە يە بولۋدى قاراستىرىپ جاتقانىن ايتتى. ودان كەيٸن Qazaq Air اتاۋى VietJet Kazakhstan بولىپ ٶزگەرەتٸنٸ بەلگٸلٸ بولدى.
"وتاندىق ەۋە كومپانييانى ساتىپ الۋشى - SOVICO Group. كەلٸسسٶزدٸڭ باسىم بٶلٸگٸ ورىندالدى, اقىسى تٶلەندٸ, اكتسييالار ينۆەستورلار قولىنا ٶتتٸ... سونىمەن قاتار SOVICO Group پەن VietJet Air-دىڭ Qazaq Air-عا VietJet Kazakhstan جاڭا برەندٸن بەرۋ باستاماسىن جوعارى باعالايمىز. ٶڭٸردەگٸ تاسىمال جٷيەسٸن كەڭەيتۋ تاسىمال بايلانىسىن نىعايتىپ قانا قويماي, ەكونوميكالىق ٶسٸم ٷشٸن جاڭا كٶزدٸ اشۋمەن تەڭ بولماق. بٸز بۇرىنعىدان دا بٸر-بٸرٸمٸزگە جاقىن بولا تٷستٸك", – دەدٸ "سامۇرىق-قازىنا" اق باسقارماسىنىڭ تٶراعاسى نۇرلان جاقىپوۆ قازاق-ۆەتنام ٸسكەرلەرٸ جيىنىندا.
Qazaq Air-دەگٸ ٷلەستٸ ۆەتنامدىق ينۆەستور Sovico Group-قا ساتۋ بويىنشا مەمٸلە شارتتارىن انىقتاۋ بويىنشا نەگٸزگٸ كەلٸسسٶزدەر 2024 جىلدىڭ اياعىندا اياقتالدى. ەكونوميكانى جاڭعىرتۋ جٶنٸندەگٸ مەملەكەتتٸك كوميسسييا 2024 جىلعى 20 جەلتوقسانداعى وتىرىستا نەگٸزگٸ شارتتاردى ماقۇلدادى. 2024 جىلى 23 جەلتوقساندا ٷكٸمەت ساعاتىندا
"سامۇرىق-قازىنا" ۇەق ستراتەگييا جەنە اكتيۆتەردٸ باسقارۋ جٶنٸندەگٸ بٸرلەسكەن باسقارۋشى ديرەكتورى ەلجاس وتىنشيەۆ ينۆەستورعا ەكٸ تالاپ قويىلىپ وتىرعانىن ەسكە سالدى. بٸرٸنشٸسٸ — 2044 جىلدىڭ سوڭىنا دەيٸن 38,4 ملرد تەڭگە مٶلشەرٸندەگٸ قارىزدى ٶتەۋ, ەكٸنشٸسٸ - ينۆەستوردىڭ وسى مەرزٸمدٸ ەكٸ جىلعا ۇزارتۋ مٷمكٸندٸگٸن قاراستىرا وتىرىپ, بەس جىل ٸشٸندە Boeing نەمەسە Airbus-تىڭ 20 ۇشاعىن ساتىپ الۋى.
ايتا كەتسەك, Qazaq Air 2023 جىلى ساتىلىمعا قويىلدى: 18 تامىزدا "سامۇرىق-قازىنا" اق قورىنا تيەسٸلٸ اۆياكومپانييانىڭ 49%-دان 100%-عا دەيٸنگٸ اكتسييالارىن ساتۋعا ارنالعان اشىق ەكٸ كەزەڭدٸك كونكۋرستىڭ باستالعانى حابارلاندى. اكتسييالاردىڭ باستاپقى ەرٸ ەڭ تٶمەنگٸ باعاسى 10,2 ملرد تەڭگە بولىپ بەلگٸلەندٸ. اكتيۆتٸ بٸردەن ساتۋ مٷمكٸن بولمادى. 2023 جىلدىڭ 13 قاراشاسىندا جارييالانعان كونكۋرس ٶتكٸزٸلمەدٸ دەپ تانىلدى. 2024 جىلدىڭ قاڭتارىندا "سامۇرىق-قازىنا" قايتا كونكۋرس جارييالادى, الايدا ەكٸنشٸسٸ دە سەتسٸز بولدى. Qazaq Air-دى ساتىپ الاتىن ينۆەستوردىڭ تابىلعانى 2024 جىلعى 23 مامىردا بەلگٸلٸ بولدى: قازاقستان پرەزيدەنتٸ قاسىم-جومارت توقاەۆ سينگاپۋرداعى بيزنەس-فورۋمدا سٶيلەگەن سٶزٸندە ۆەتنامدىق Sovico Group ەۋە كومپانيياسىنىڭ ۇسىنىسىن قولداپ, پٸكٸر بٸلدٸردٸ. بٸراق بۇل كەلٸسسٶزدٸڭ ٶزٸ دە بٸر جىلعا سوزىلدى.
