Densaýlyq saqtaý ministrligi janyndaǵy Juqpaly aýrýlardy epidemiologiialyq qadaǵalaý bóliminiń meńgerýshisi Roza Qojapovanyń atap ótkenindei, jaǵdaiy nasharlaǵan naýqas tólqujatty satyp alǵanyn moiyndaǵan.
"Onyń shynymen vaktsina almaǵany anyqtaldy. Zańdy belden basyp, vaktsina alǵany týraly pasportty satyp alǵan. Koronavirýs juqtyryp, aýrýy asqyna bastaǵan shaqta muny ózi moiyndady", – deidi dáriger.
Mamannyń aitýyna qaraǵanda vaktsina alǵan azamattar birden bilinedi, olar virýsty juqtyrǵannyń ózinde aýrýdy áldeqaida jeńil ótkeredi.
"Biz aýrýdyń kórsetkishin udaiy baqylap otyramyz – vaktsinanyń alǵashqy komponentin alǵandar arasynda Covid-19 juqtyrǵan 1325 jaǵdai tirkelse, 2 komponentin alǵandardyń ishinde 964 jaǵdai tirkeldi. Dárigerler ekpe alǵan azamattardyń densaýlyǵyn turaqty túrde baqylap otyr", – dedi Roza Qojapova.
Ishki ister ministrliginiń málimeti boiynsha biylǵy jyldyń 6 aiynda jalǵan PTsR men vaktsinatsiia tólqujatyn jasatqan azamattardyń ústinen 27 qylmystyq is qozǵalǵan.
Vitse-premer Eraly Toǵjanov Ishki ister organdaryna atalǵan baǵyttaǵy jumysty údetip, zań buzǵan azamattardy jaýapqa tartýdy tapsyrǵan bolatyn.
