دەنساۋلىق ساقتاۋ مينيسترلٸگٸ جانىنداعى جۇقپالى اۋرۋلاردى ەپيدەميولوگييالىق قاداعالاۋ بٶلٸمٸنٸڭ مەڭگەرۋشٸسٸ روزا قوجاپوۆانىڭ اتاپ ٶتكەنٸندەي, جاعدايى ناشارلاعان ناۋقاس تٶلقۇجاتتى ساتىپ العانىن مويىنداعان.
"ونىڭ شىنىمەن ۆاكتسينا الماعانى انىقتالدى. زاڭدى بەلدەن باسىپ, ۆاكتسينا العانى تۋرالى پاسپورتتى ساتىپ العان. كوروناۆيرۋس جۇقتىرىپ, اۋرۋى اسقىنا باستاعان شاقتا مۇنى ٶزٸ مويىندادى", – دەيدٸ دەرٸگەر.
ماماننىڭ ايتۋىنا قاراعاندا ۆاكتسينا العان ازاماتتار بٸردەن بٸلٸنەدٸ, ولار ۆيرۋستى جۇقتىرعاننىڭ ٶزٸندە اۋرۋدى ەلدەقايدا جەڭٸل ٶتكەرەدٸ.
"بٸز اۋرۋدىڭ كٶرسەتكٸشٸن ۇدايى باقىلاپ وتىرامىز – ۆاكتسينانىڭ العاشقى كومپونەنتٸن العاندار اراسىندا Covid-19 جۇقتىرعان 1325 جاعداي تٸركەلسە, 2 كومپونەنتٸن العانداردىڭ ٸشٸندە 964 جاعداي تٸركەلدٸ. دەرٸگەرلەر ەكپە العان ازاماتتاردىڭ دەنساۋلىعىن تۇراقتى تٷردە باقىلاپ وتىر", – دەدٸ روزا قوجاپوۆا.
ٸشكٸ ٸستەر مينيسترلٸگٸنٸڭ مەلٸمەتٸ بويىنشا بيىلعى جىلدىڭ 6 ايىندا جالعان پتسر مەن ۆاكتسيناتسييا تٶلقۇجاتىن جاساتقان ازاماتتاردىڭ ٷستٸنەن 27 قىلمىستىق ٸس قوزعالعان.
ۆيتسە-پرەمەر ەرالى توعجانوۆ ٸشكٸ ٸستەر ورگاندارىنا اتالعان باعىتتاعى جۇمىستى ٷدەتٸپ, زاڭ بۇزعان ازاماتتاردى جاۋاپقا تارتۋدى تاپسىرعان بولاتىن.
