Májilis depýtaty Ashat Aimaǵambetov áleýmettik jelidegi jańa jazbasynda Qazaqstandaǵy alǵashqy meditsinalyq-áleýmettik kómek júiesindegi máselelerge toqtaldy, dep habarlaidy Dalanews.kz.
“Astana qalasyndaǵy №4 qalalyq emhanada kezdesý ótkizip, qabyldanǵan jańa zańdardyń iske asyrylýy men PMSP-niń ózekti máselelerin talqyladyq.
Tirkelgen meditsinalyq intsidentterdiń sany 10 eseden astam ósipti. Bul mańyzdy qadam, sebebi buryn jasyryn qalyp kelgen jaǵdailar tirkele bastady. Endi bul derekterdi meditsinalyq personaldy oqytý jáne qyzmet sapasyn arttyrý úshin tiimdi paidalaný qajet”, — deidi depýtat.
Onyń aitýynsha, aýrýhanalarǵa meditsinalyq zertteýlerdi kvotalaý – mysaly, aiyna MRT nemese KT sanyna shekteý qoiý – kezek sanynyń kóbeiýine ákeledi.
“Meditsinalyq zertteýlerdi kvotalaý.
Densaýlyq saqtaý ministrligi engizgen syzyqtyq shkala júiesi emhanalarda zertteýlerdiń sanyn shekteidi (mysaly, aiyna 10 MRT nemese 10 KT). Bul birneshe problema týdyrady:
• Kezekterdiń uzarýy. Apparattar bos tursa da, ailyq kvota taýsylǵannan keiin naýqastardy kelesi ailarǵa jazady.
• Uzaq kútý qajettigi halyqtyń narazylyǵyn týdyrady”, — deidi ol.
Ashat Aimaǵambetov keshendi jan basyna shaqqandaǵy normativtiń (KJN) tiimdiligine de kúmán keltirdi.
“Komplekstik jan basyna shaqqandaǵy normativtiń (KPN) tiimdiligi.
Emhanalar ár tirkelgen azamat úshin ai saiyn 1600 teńge (qosymsha koeffitsienttermen) alady. Bul aqsha azamat emhanaǵa júgingenine nemese júginbegenine qaramastan beriledi. Budan bólek, eger patsient kelse, emhana qosymsha qarjy alady. Bul júie emhanalardy tirkelgen halyqpen belsendi jumys isteýge qalai yntalandyrady? Qarajat qanshalyqty tiimdi jumsalady?” – dep suraq qoidy depýtat.
Ol ózine tirkelgen emhananyń jumysyn mysal retinde keltirdi.
“Emhana qyzmetterdi solai uiymdastyrady, bir kómek alý úshin qalany aralaýǵa týra keledi: ÝZI – bir jerde, KT – basqa jerde, dáriger – úshinshi jerde. Aqyrynda, aqyly klinikaǵa barý jeńildeý bolyp shyǵady, biraq memlekettik emhana báribir ai saiyn men úshin tirkelgen patsient retinde KJN alady,” – dep atap ótti halyq qalaýlysy.
