Birazdan keiin gúl-gúl jainap, qaityp oraldy. Qolyndaǵy shyny ydysqa qyrdyń aq gúlderin toltyryp jinap alypty. Olardy baqsha ishindegi gúl egetin alańǵa aparyp otyrǵyza bastady. Osy kezde úiden anasy shyqty. Qyzyn baqsha ishinen kórdi de, janyna keldi
– Qarashy, apa! Myna ádemi báisheshekterdi adyrdan qazyp aldym. Bizdiń Jamal apai aitty: «Tabiǵatty qorǵaý kerek» dep...
– Sen olardy korǵaýdyń ornyna, ósip turǵan jerinen úzip ákelgeniń qalai?
Sheshesi myrs etip kýlip jiberdi de, ile salmaqty kúige túsip:
– Sen durys jasamadyń, Gýlim. Tabiǵatta ne nárseniń bolsa da óz orny, zańdylyǵy bar. Bul báisheshekter – kóktemniń habarshysy. Erte gúldeitini de sodan. Bular qýraǵanymen, ornyn basqa gúlder basady. Sonysymen da adamǵa qymbat. Myna gúlder qai jerde gúldese, sol jerde uryq shashyp, endigi jyly taǵy ónip shyǵar edi. Al sen, olardy bilmestikpen zorlap ákeldiń. Jamal apaiyńnan tabiǵatty qalai qorǵaý jaiynda surap alǵanyń durys bolary edi.
Gúlimniń beti narttai bolyp qyzaryp, tómen qarady. Sheshesi qyzynyń shashynan sipap:
– Bulardy endi osy ornynan qozǵamai-aq qoi. Ekinshi ret qatelik jasamaýǵa tyrys. Júr úige, tamaq sýyp qalady, – dedi.
Gúlim ilbip basyp, sheshesiniń sonyna erdi. Sóitse de onyń sanasynda –tabiǵatty qalai qorǵaimyz degen saýal jańǵyryqtai taǵy qaitalandy. Osyny kelesi sabaqta apaiynan surap alýǵa bekindi.
