Memlekettik saiasattyń negizgi baǵyty – ol jastardy bilim, tárbiege baýlyp, mádeni-rýhani damýyna, kásibi biliktiligin arttyrýyna yqpal etý, nátijesinde olardyń áleýetin memleketimizdiń qarqyndy damýyna baǵyttaý.
Búgingi kúni talantty jastardy memlekettik qyzmetke tartý – memlekettiń basty mindetterine ainaldy.
Memleket basshysy «Jastarǵa jańa múmkindikter berýimiz kerek, ol úshin jastardy olardyń ómirin jaqsartýǵa, mansaby boiynsha joǵarylaýǵa arnalǵan áleýmettik liftter is júzinde jumys isteýi kerektigin» basa aitqan bolatyn.
Bul rette, «QR Memlekettik qyzmeti týraly» Zańǵa sáikes, memlekettik grantpen joǵarǵy oqý oryndaryn úzdik aiaqtaǵan túlekter (GPA 3.33-ten joǵary) oqýdy bitirgennen keiin bir jyl ishinde aýdandyq, aýyldyq deńgeidegi tómengi laýazymdarǵa konkýrstyq irikteýsiz ornalasý múmkindigi berildi.
Búgingi tańda, respýblikada osy múmkindikti paidalanǵan 530-dan astam túlek memlekettik qyzmetke konkýrstyq irikteýsiz ornalassa, olardyń 47-si Túrkistan oblysyna tiesili.
Iaǵni, bitirýshi túlekter aýdandyq, aýyldyq deńgeidegi tómengi laýazymdarǵa jáne aýmaqtyq departamentterdiń aýdandyq bólimshelerine konkýrssyz ornalasty.
Bul múmkindik bilimdi jastardy memlekettik qyzmetke yntalandyrýǵa, jas mamandardyń aýdan men aýyldyq aimaqtarǵa oralýyna, sonymen qatar óńirlerdegi kadr tapshylyǵyn azaitýǵa septigin tigizip, memlekettik qyzmetke kirýdi jeńildetti.
Osy tusta, joǵarǵy oqý ornyn bitirgen túlekterdi memlekettik qyzmettegi oń ózgeristerdi tiimdi paidalana otyryp, memlekettik qyzmette jumys jasaýǵa shaqyramyz.
Sýrtekov Darhan Áshirhanuly
QR Memlekettik qyzmet isteri agenttiginiń
Túrkistan oblysy boiynsha departamenti
basshysynyń orynbasary, Ádep jónindegi
keńes hatshylyǵynyń meńgerýshisi
