مەملەكەتتىك ساياساتتىڭ نەگىزگى باعىتى – ول جاستاردى ءبىلىم، تاربيەگە باۋلىپ، مادەني-رۋحاني دامۋىنا، كاسىبي بىلىكتىلىگىن ارتتىرۋىنا ىقپال ەتۋ، ناتيجەسىندە ولاردىڭ الەۋەتىن مەملەكەتىمىزدىڭ قارقىندى دامۋىنا باعىتتاۋ.
بۇگىنگى كۇنى تالانتتى جاستاردى مەملەكەتتىك قىزمەتكە
تارتۋ – مەملەكەتتىڭ باستى مىندەتتەرىنە اينالدى.
مەملەكەت باسشىسى «جاستارعا جاڭا مۇمكىندىكتەر بەرۋىمىز كەرەك، ول ءۇشىن جاستاردى ولاردىڭ ءومىرىن جاقسارتۋعا، مانسابى بويىنشا جوعارىلاۋعا ارنالعان الەۋمەتتىك ليفتتەر ءىس جۇزىندە جۇمىس ىستەۋى كەرەكتىگىن» باسا ايتقان بولاتىن.
بۇل رەتتە، «ق ر مەملەكەتتىك قىزمەتى تۋرالى» زاڭعا سايكەس، مەملەكەتتىك گرانتپەن جوعارعى وقۋ ورىندارىن ۇزدىك اياقتاعان تۇلەكتەر (GPA 3.33-تەن جوعارى) وقۋدى بىتىرگەننەن كەيىن ءبىر جىل ىشىندە اۋداندىق، اۋىلدىق دەڭگەيدەگى تومەنگى لاۋازىمدارعا كونكۋرستىق ىرىكتەۋسىز ورنالاسۋ مۇمكىندىگى بەرىلدى.

بۇگىنگى تاڭدا، رەسپۋبليكادا وسى مۇمكىندىكتى پايدالانعان
530-دان استام تۇلەك مەملەكەتتىك قىزمەتكە كونكۋرستىق ىرىكتەۋسىز ورنالاسسا، ولاردىڭ 47ء-سى تۇركىستان وبلىسىنا تيەسىلى.

ياعني، ءبىتىرۋشى تۇلەكتەر اۋداندىق، اۋىلدىق دەڭگەيدەگى تومەنگى لاۋازىمدارعا جانە اۋماقتىق دەپارتامەنتتەردىڭ اۋداندىق بولىمشەلەرىنە كونكۋرسسىز ورنالاستى.


بۇل مۇمكىندىك ءبىلىمدى جاستاردى مەملەكەتتىك قىزمەتكە ىنتالاندىرۋعا، جاس مامانداردىڭ اۋدان مەن اۋىلدىق ايماقتارعا ورالۋىنا، سونىمەن قاتار وڭىرلەردەگى كادر تاپشىلىعىن ازايتۋعا سەپتىگىن تيگىزىپ، مەملەكەتتىك قىزمەتكە كىرۋدى جەڭىلدەتتى.

وسى تۇستا، جوعارعى وقۋ ورنىن بىتىرگەن تۇلەكتەردى مەملەكەتتىك قىزمەتتەگى وڭ وزگەرىستەردى ءتيىمدى پايدالانا وتىرىپ، مەملەكەتتىك قىزمەتتە جۇمىس جاساۋعا شاقىرامىز.


سۋرتەكوۆ دارحان ءاشىرحان ۇلى
ق ر مەملەكەتتىك قىزمەت ىستەرى اگەنتتىگىنىڭ
تۇركىستان وبلىسى بويىنشا دەپارتامەنتى
باسشىسىنىڭ ورىنباسارى، ادەپ جونىندەگى
كەڭەس حاتشىلىعىنىڭ مەڭگەرۋشىسى