Baıqaýǵa elimizdiń túkpir-túkpirinen úsh júzden astam qyzmet kórsetýshi qatysty. Qatysýǵa nıet bildergender qatarynda Qyzylorda, Jambyl, Mańǵystaý jáne Soltústik Qazaqstan oblystarynyń qyzmet kórsetýshileri joǵary belsendilik tanytty.
Respýblıkalyq komısıanyń sheshimimen Abaı oblysy Kókpekti aýdanynyń arnaýly áleýmettik qyzmetter kórsetý ortalyǵy «Úzdik sapaly qyzmet kórsetýshi» ataǵyna ıe boldy.
Sonymen qatar, osy nomınasıada birinshi oryndy Munaıly aýdany boıynsha bilim bóliminiń Shoǵy Munaly atyndaǵy №5 jalpy bilim beretin mektebi, ekinshi oryndy Shymkent qalasynyń ádilet departamenti, úshinshi oryndy Kostanaı oblysy boıynsha memlekettik kirister departamenti Kostanaı qalasy boıynsha memlekettik kiris basqarmasy ıelendi.
Respýblıkalyq komısıanyń quramyna Agenttik jáne Memlekettik basqarý akademıasy, qoǵamdyq uıymdar jáne BAQ ókilderi, memlekettik basqarý salasyndaǵy sarapshylar kirdi.
Konkýrsqa qatysý úshin qatysýshylar respýblıkalyq komısıaǵa kórsetiletin memlekettik qyzmetterdiń beıneprezentasıalaryn usyndy, sondaı-aq memlekettik qyzmetterdiń sapasy men qoljetimdiligin arttyrý, olardy kórsetýdegi búrokratıalyq kedergilerdi joıý boıynsha «Adamdar eń aldymen» taqyrybyndaǵy jobalaryn qorǵady
«Úzdik sapaly qyzmet kórsetýshi» konkýrsy Agenttikpen bıyl ekinshi jyl qatarynan ótkizilip otyr. Konkýrstyń negizgi maqsaty – qyzmet kórsetýshilerdiń mártebesin arttyrý, olardy yntalandyrý jáne jumystaǵy klıentke baǵdarlanýdyń negizderin nyǵaıtý.
Konkýrs sondaı-aq klıentke baǵdarlanǵan jáne ashyq memlekettik apparat qaǵıdattaryn qalyptastyrýǵa, kórsetiletin memlekettik qyzmetterdiń sapasyn arttyrýǵa úles qosqan úzdik qyzmet kórsetýshini anyqtaýǵa jáne kótermeleýge baǵyttalǵan.
Konkýrs jeńimpazdary «23 maýsym – Memlekettik qyzmetshiler kúnine» oraılastyrylǵan saltanatty is-sharada marapattalady.
