Ustaz: «Joldaý pedagogtardy tolqytyp tastady»
Elbasy Joldaýynda barlyq áleýmettik salany qamtyǵan mindetter ashyp aityldy. Sonymen birge oryndalmai jatqan tapsyrmalar, kemshilikter de ashyna aityldy. Nursultan Ábishulynyń eń aldymen qarapaiym halyqtyń jaǵdaiyn tereń oilaityn kóregen basshy ekenin atap kórsetkim keledi. Sebebi, jastardyń turǵyn úimen qamtylýy, olardyń alǵashqy jarna somasyn memleket esebinen jeńildikpen tóleýine barlyq ákimderdi mindetteýi – baspana alýǵa qol jetkize almai júrgen milliondaǵan jastardyń úmitterine sáýle shashyp otyr. Sondai-aq, eń tómengi jalaqyny 1,5 esege kóbeitýdi tapsyrdy.
Men ózim mamandyǵym muǵalim bolǵandyqtan, Elbasynyń bilim salasy týraly aitqan árbir sóilemine muqiiat nazar aýdardym. Búgingi Joldaý pelagog mamandardyń mártebesin arttyrǵan erekshe Joldaý boldy dep esepteimin. «Pedagogtardyń mártebesi týraly» zań shyǵarý jóninde Prezidenttiń aitqan sózi shákirt tárbielep júrgen árbir jandy tolqytyp tastady desem, artyq aitqandyq emes. Burynnan beri aitylyp-aitylyp, sol aitylǵan jerde qalyp ketetin muǵalimderdi sailaýǵa jegý, zaldy toltyrý úshin jiyndarǵa eriksiz aparý, basqa da tolyp jatqan qoǵamdyq jumystardy moiyndaryna artyp qoiý sekildi sharýalardy endigi jerde Elbasynyń ózi toqtatpaq. Ómirge keletin «Pedagogtardyń mártebesi týraly» jańa zań muǵalimderdi osyndai jónsiz jegýlerden qutqaratyn bolady. Oqytýshy munan bylaiǵy ýaqytta tek shákirt tárbieleýmen ainalyspaq. Muǵalimderdiń mártebesin arttyrý máselesi kópten beri qozǵalyp júrgenimen, eshqandai nátije shyǵyp jatqan joq edi. Endi muǵalim mamandyǵynyń eń bir qurmetti mamandyqqa ainalýy úshin arnaiy zań ómirge keletin boldy.
Memleket basshysy aitqan bul aqjoltai habar muǵalimderdiń tól merekesinde jasalǵan laiyqty tartýy boldy desek jańylyspaimyz.
Roza JÚNISQULOVA, «Jaýshyqum» mektep-litseiiniń direktory, aýdandyq máslihhattyń depýtaty.
Shardara aýdany.
