ۇستاز: «جولداۋ پەداگوگتاردى تولقىتىپ تاستادى»
ەلباسى جولداۋىندا بارلىق ەلەۋمەتتٸك سالانى قامتىعان مٸندەتتەر اشىپ ايتىلدى. سونىمەن بٸرگە ورىندالماي جاتقان تاپسىرمالار, كەمشٸلٸكتەر دە اشىنا ايتىلدى. نۇرسۇلتان ەبٸشۇلىنىڭ ەڭ الدىمەن قاراپايىم حالىقتىڭ جاعدايىن تەرەڭ ويلايتىن كٶرەگەن باسشى ەكەنٸن اتاپ كٶرسەتكٸم كەلەدٸ. سەبەبٸ, جاستاردىڭ تۇرعىن ٷيمەن قامتىلۋى, ولاردىڭ العاشقى جارنا سوماسىن مەملەكەت ەسەبٸنەن جەڭٸلدٸكپەن تٶلەۋٸنە بارلىق ەكٸمدەردٸ مٸندەتتەۋٸ – باسپانا الۋعا قول جەتكٸزە الماي جٷرگەن ميلليونداعان جاستاردىڭ ٷمٸتتەرٸنە سەۋلە شاشىپ وتىر. سونداي-اق, ەڭ تٶمەنگٸ جالاقىنى 1,5 ەسەگە كٶبەيتۋدٸ تاپسىردى.
مەن ٶزٸم ماماندىعىم مۇعالٸم بولعاندىقتان, ەلباسىنىڭ بٸلٸم سالاسى تۋرالى ايتقان ەربٸر سٶيلەمٸنە مۇقييات نازار اۋداردىم. بٷگٸنگٸ جولداۋ پەلاگوگ مامانداردىڭ مەرتەبەسٸن ارتتىرعان ەرەكشە جولداۋ بولدى دەپ ەسەپتەيمٸن. «پەداگوگتاردىڭ مەرتەبەسٸ تۋرالى» زاڭ شىعارۋ جٶنٸندە پرەزيدەنتتٸڭ ايتقان سٶزٸ شەكٸرت تەربيەلەپ جٷرگەن ەربٸر جاندى تولقىتىپ تاستادى دەسەم, ارتىق ايتقاندىق ەمەس. بۇرىننان بەرٸ ايتىلىپ-ايتىلىپ, سول ايتىلعان جەردە قالىپ كەتەتٸن مۇعالٸمدەردٸ سايلاۋعا جەگۋ, زالدى تولتىرۋ ٷشٸن جيىندارعا ەرٸكسٸز اپارۋ, باسقا دا تولىپ جاتقان قوعامدىق جۇمىستاردى مويىندارىنا ارتىپ قويۋ سەكٸلدٸ شارۋالاردى ەندٸگٸ جەردە ەلباسىنىڭ ٶزٸ توقتاتپاق. ٶمٸرگە كەلەتٸن «پەداگوگتاردىڭ مەرتەبەسٸ تۋرالى» جاڭا زاڭ مۇعالٸمدەردٸ وسىنداي جٶنسٸز جەگۋلەردەن قۇتقاراتىن بولادى. وقىتۋشى مۇنان بىلايعى ۋاقىتتا تەك شەكٸرت تەربيەلەۋمەن اينالىسپاق. مۇعالٸمدەردٸڭ مەرتەبەسٸن ارتتىرۋ مەسەلەسٸ كٶپتەن بەرٸ قوزعالىپ جٷرگەنٸمەن, ەشقانداي نەتيجە شىعىپ جاتقان جوق ەدٸ. ەندٸ مۇعالٸم ماماندىعىنىڭ ەڭ بٸر قۇرمەتتٸ ماماندىققا اينالۋى ٷشٸن ارنايى زاڭ ٶمٸرگە كەلەتٸن بولدى.
مەملەكەت باسشىسى ايتقان بۇل اقجولتاي حابار مۇعالٸمدەردٸڭ تٶل مەرەكەسٸندە جاسالعان لايىقتى تارتۋى بولدى دەسەك جاڭىلىسپايمىز.
روزا جٷنٸسقۇلوۆا, «جاۋشىقۇم» مەكتەپ-ليتسەيٸنٸڭ ديرەكتورى, اۋداندىق مەسليححاتتىڭ دەپۋتاتى.
شاردارا اۋدانى.
