– Biz búgin aýdandaǵy biregei sport keshenin ashtyq. Deni saýdyń – jany saý. Qazirgi zamanda deni saý adam ǵana tabysqa jetedi. Sondyqtan, biz bul nysandy jastarymyz úshin arnaiy saldyq, jastarymyz shyńdalyp, salaýatty urpaǵymyz kóp bolýyna, jańa chempiondar tərbielep shyǵarýǵa osy keshenniń qosar úlesi zor bolady dep oilaimyn, – dedi Qazaqstannyń Tuńǵysh Prezidenti.
Shamalǵan – býyrqanyp turǵan jas býyndy naq shynyqtyrar, shiratar, shymyrlandyrar jer. Taý baýraiy, taza aýa. Bolashaq olimpiada jeńimpazdaryn daiyndaýǵa qolaily. Úshqońyrdyń eteginen alyp sport keshenin salýdaǵy maqsat ta osy.
Keshen kelisti. Halyqaralyq standarttarǵa sai. Erekshe bir bóligi – bassein. Uzyndyǵy – 25, eni – 11 metr. Kórermendik 160 oryn bar. Balalar men eresekterdiń basseinderi bólek. Júzýge múmkindik alǵan aýyl balalary máz mairam...
Ámbebap zal. 1644 sharshy metrlik. Voleibol, basketbol, gandbol men shaǵyn fýtbolǵa arnalǵan. 300 oryndyq. Elbasy kelgende «Jetisý» – «Almaty» voleibol komandalary arasynda joldastyq kezdesý ótip jatty.
Sport zaldary talapqa sai. Zamanaýi, sapaly qondyrǵylarymen tolyqtai jabdyqtalǵan. Jastardy sportqa baýlityn 45 jattyqtyrýshy jumysqa qabyldanǵan.
– Bul keshenniń ereksheligin atap óter bolsaq TMD elderinde bundai keshen joq. 16 sport túrinen jattyqtyrylady. Osyndai dárejeli sport keshende álem jáne olimpiada chempiondary shyǵatynyna senimim mol, – dedi Dáýren Tólegen «Úshqońyr» sport kesheniniń direktory.
Aita ketý kerek, jalpy, Almaty oblysynda sportqa qoldaý zor. Búginge aimaqta 7 sporttyq-saýyqtyrý kesheni bar. Jyl sońyna deiin taǵy da 3-i iske qosylmaq.
