– بٸز بٷگٸن اۋدانداعى بٸرەگەي سپورت كەشەنٸن اشتىق. دەنٸ ساۋدىڭ – جانى ساۋ. قازٸرگٸ زاماندا دەنٸ ساۋ ادام عانا تابىسقا جەتەدٸ. سوندىقتان, بٸز بۇل نىساندى جاستارىمىز ٷشٸن ارنايى سالدىق, جاستارىمىز شىڭدالىپ, سالاۋاتتى ۇرپاعىمىز كٶپ بولۋىنا, جاڭا چەمپيوندار تəربيەلەپ شىعارۋعا وسى كەشەننٸڭ قوسار ٷلەسٸ زور بولادى دەپ ويلايمىن, – دەدٸ قازاقستاننىڭ تۇڭعىش پرەزيدەنتٸ.
شامالعان – بۋىرقانىپ تۇرعان جاس بۋىندى ناق شىنىقتىرار, شيراتار, شىمىرلاندىرار جەر. تاۋ باۋرايى, تازا اۋا. بولاشاق وليمپيادا جەڭٸمپازدارىن دايىنداۋعا قولايلى. ٷشقوڭىردىڭ ەتەگٸنەن الىپ سپورت كەشەنٸن سالۋداعى ماقسات تا وسى.
كەشەن كەلٸستٸ. حالىقارالىق ستاندارتتارعا ساي. ەرەكشە بٸر بٶلٸگٸ – باسسەين. ۇزىندىعى – 25, ەنٸ – 11 مەتر. كٶرەرمەندٸك 160 ورىن بار. بالالار مەن ەرەسەكتەردٸڭ باسسەيندەرٸ بٶلەك. جٷزۋگە مٷمكٸندٸك العان اۋىل بالالارى مەز مايرام...
ەمبەباپ زال. 1644 شارشى مەترلٸك. ۆولەيبول, باسكەتبول, گاندبول مەن شاعىن فۋتبولعا ارنالعان. 300 ورىندىق. ەلباسى كەلگەندە «جەتٸسۋ» – «الماتى» ۆولەيبول كوماندالارى اراسىندا جولداستىق كەزدەسۋ ٶتٸپ جاتتى.
سپورت زالدارى تالاپقا ساي. زاماناۋي, ساپالى قوندىرعىلارىمەن تولىقتاي جابدىقتالعان. جاستاردى سپورتقا باۋليتىن 45 جاتتىقتىرۋشى جۇمىسقا قابىلدانعان.
– بۇل كەشەننٸڭ ەرەكشەلٸگٸن اتاپ ٶتەر بولساق تمد ەلدەرٸندە بۇنداي كەشەن جوق. 16 سپورت تٷرٸنەن جاتتىقتىرىلادى. وسىنداي دەرەجەلٸ سپورت كەشەندە ەلەم جەنە وليمپيادا چەمپيوندارى شىعاتىنىنا سەنٸمٸم مول, – دەدٸ دەۋرەن تٶلەگەن «ٷشقوڭىر» سپورت كەشەنٸنٸڭ ديرەكتورى.
ايتا كەتۋ كەرەك, جالپى, الماتى وبلىسىندا سپورتقا قولداۋ زور. بٷگٸنگە ايماقتا 7 سپورتتىق-ساۋىقتىرۋ كەشەنٸ بار. جىل سوڭىنا دەيٸن تاعى دا 3-ٸ ٸسكە قوسىلماق.
